Yohane 6:11 - Mawu a Mulluku

¹¹ Yesu aakusa mitthi dda buledi, avekella omuthokoza Mulluku nave amuvelleella wa athu ayo yaakeraatthiille vaavo. Aheerattho emoddamoddave yeeyo ni ehombanndde. Nave attheene yahaakhella moollikana ni mmo yapaallelliiwa.

Yohane 6:11 ပူးပေါင်းရင်းမြစ်များ

Yohane 6:23

Vano ekallawa ddimodda ddoovenyera o Tiberiya ddaawa vakhuviru ni nipuro nko athu yamuchilliiwa buledi Apwiya ethokozille.

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Aroma 14:6

Athu ayo enaganiza wi nllapo nimodda tti noopaalleya ohiyana ni mallapo mamodda eneera ddiiddo wi yaatitimihe Apwiya. Nave ayo enacha erive ello eneera ddiiddo wi yaatitimihe Apwiya vawi ennamuthokoza Mulluku ekaamba ya yoocheeyo. Ayo ehinacha ddeko ddimodda eneera ddiiddo wi yaatitimihe Apwiya nave ennamuthokoza Mulluku.

Mateyu 15:36

Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.

Luka 24:30

Akeraatthilleeye voochella wi achena, amukusa buledi, amudalisa, amumeyameya nave aavaha.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Mitteko 27:35

Allotilleeye ddenndda, Paulo aamukusa buledi, avekella wa Mulluku moothokoza attheene yoonaka, amumeyameya nave aamba omucha.

1 Samuele 9:13

Mwaavollowaka m'muzindanimmo, munaamuphwanye ahinayeewo wi ache. Athu kheyaamba ocha olliye ahinaphiye, ophiyera olliye adalisalle mukuthooyo. Eeddiiddo athu awiithaniwa eneerewaamba ocha. Vano khaweni mukumanena naanweene vaava.”

Yohane 6:9

“Vookhalla musombwe vaava arina mitthi mitthanu dda buledi ookittha mutengo ni ehomba piilli. Koma khekwakhwanellattho athu attheenaalla.”

Yohane 21:9

Yaphiyalliiwa mukhwipi mwa enyanja, yahoona munllo wa mankhalla vaavo viri ehomba ni buledi.

Yohane 21:10

Vano Yesu aallota wi, “Wannani ehomba ddimodda mwiiphalleenyu wene.”

Yohane 21:13

Sika Yesu aamukusa buledi aavaha alliwaayo. Nave aheerattho emoddamoddave yeeyo ni ehombanndde.