Yohane 5:39 - Mawu a Mulluku

³⁹ Munahuddera mawu a Mulluku kaambiiwa munaganiza wi mwemmo muneerophwanyamo okumi woohimalla. Nave tti mawu a Mulluku yaalla eri mboni,

Yohane 5:39 ပူးပေါင်းရင်းမြစ်များ

Luka 24:27

Nave Yesu ahaatthopoollella dda ddittheddene ddalembiwe mu mawu a Mulluku ddayeekha, waamba malamulo a Mose ophiyera ddoolembiwa dda anamallotella attheene.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Mitteko 17:11

Athu a o Bereya yaari owiiwesesa ddeko ohiyana ni alle a o Tesalonika. Yaanaakhella othenga wa Paulo ni murima woottaphuwa nave nllapo ni nllapo yaanaashaasha mu mawu a Mulluku wi yoone nnddo allota Paulooyo ddaari ddiri ddawoona.

Mateyu 22:29

Yesu ahaakhulla wi, “Munnalakwa kaambiiwa khamunadduwella mawu a Mulluku naari masiva a Mulluku.

Yesaya 34:16

Ashaashani ni weerenga mu nibukhu na Apwiya. Mwa ddoophatusiwanndda kheyiivo naari emodda enaarame mukhwiiwa. Vawi Apwiya aalamula wi ddikhallelle mwemmo nave Munepiiwa woodditthukumaniha vamodda.

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Yohane 5:46

Mwamukhulupililalleke Mose, mweerokikhulupilila miyaano kaambiiwa olliye aalemba dda miyaano.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Aroma 3:2

Okhalla Muyuda tti waphaama mu ettilla ddittheddene! Vawaamba, Mulluku ahaavaha Ayuda mawaaye wi yaasunge.

Mariko 12:10

Khamweerengille mawu a Mulluku awi, ‘Nlluku nno nakhootiwe ni oomaka enyumba, nenna naakhalla nlluku noopaalleya.

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Aroma 1:2

Othenga yoolla Mulluku aawulonjeza khalle oweella mwa anamallotellaaye wonanko mmo yalembelliiwa mu mawaaye aweella.

Mitteko 26:27

Mwene Agripa, munnaakhulupilila anamallotella? Kinnadduwella wi munnaakhulupilila!”

Yohane 7:52

Yaamwaakhulla olliye wi, “Wettho onavenyera o Galileya?” Huddera mawu a Mulluku nave oneerodduwella wi khaavo namallotella anavenyera o Galileya.

Yohane 5:32

Vookhalla mmodda anakhalla mboni a miyaano nave kinnadduwella wi ombonaaye tti woororomelleya.

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Deuteronomo 18:18

Kineerewaarumihella namallotella wonanko weyaano oovenyera mwa abaliiwa. Kineeromulleella yawi allote nave olliye aneerewaalleella athu attheene nnddo kinamulamuleemi.

Deuteronomo 18:15

nave eneerewuurumihellani namallotella wonanko miyaano oovenyera mwa abalaanyu nave mumwiiwellelleke olliye.

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Luka 16:31

Koma Abrahamu aallota wi, ‘Yaahiiwellella malamulo a Mose ni ddoolemba dda anamallotella kherukunuwa murima naari mmodda avenyille wa ookhwa.’ ”

Miyambo 6:23

Vawi malamulo tti enyali, malangizo tti owala nave ohumullulla tti ettilla yookumi.

Yoswa 1:8

Weerengeke nibukhu namalamulonna nave otthaana ni mahiiyu opwatheke ddoolembiwa mwemmo wi oddisunge ddittheddene. Vano waaweeraka ddiiddo oneerokhalla phaama nave oneeropambana.

Deuteronomo 32:47

Mawaalla khe ashisha koma tti okumaanyu. Sika muwiiwellelleke wi mukhalle ni okumi woorekama mwiillaponi munaawaakheenyu okhopella wa Yordani.”

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Luka 16:29

“Abrahamu aallota wi, ‘Asinnawo aakhalla ni malamulo a Mose ni ddoolemba dda anamallotella, yiiwellelle ddennddo.’

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yesaya 8:20

wi yaakhellewo mawu oophara murima ni malangizo? Alliwa yaahillota moollikana ni mawu alla, ddawoona khewaasella.”

Masalimo 21:4

Olliye uuvekilleni okumi, nyuwaano mwaamuvaha okumi woorekama, woohimalla.

Masalimo 1:2

Komathi tti oohakallalla aawiiwellellaka malamulo a Apwiya, aaganizeraka dda malamulwaalla otthaana ni mahiiyu.

Masalimo 133:3

Onakhalla wonanko nikame na o Heremoni, nookitthella o miyaango dda Ziyoni, vawi o Ziyoni Apwiya ennavelleellawo madaliso, okumi wa enthawi yoohimalla.

Aheberi 11:35

Atthiyana amodda yaahokolloselliiwa ookondiwiiwa evenyihiwe wa ookhwa. Amodda yahoosiwa ophiyera yahiiphiwa ekhootille ottaphulliwa vawi yatiyerella waakhella okumi woohimalla.

Deuteronomo 29:29

“Vookhalla ddeko ddimodda nnddo Apwiya Mullukwaahu yahuupullullalliiwa wa hiyaano koma aanupullullella malamulwiiwa ayo hiyaano ni edduullu ddahu ninaphwanelleehu owiiwellella enthawi ddittheddene.”

Luka 24:25

Vano Yesu aallota wi, “Athu ookarangeya nyu, mookhalla ni olesi voohikhulupililani ddittheddene yallotille anamallotella!

Yohane 5:40

koma khamunapaalla owa wa miyaano wi mwaakhelle okumi.

Mariko 10:3

Yesu ahaakhulla ni nikoho wi, “Mose uulamulalleni wi tini?”