Yohane 5:30 - Mawu a Mulluku

³⁰ “Nginawora weera ello miyaano meekhaaka. Kinaweeruza moollikana ni mmo Attiitthaaka yakilleellelliiwa, sika echiweruzwaaka eri yawoona kaambiiwa ngineera nnddo kinapaalleemi koma ddennddove anapaalla oyo aakirumalle.

Yohane 5:30 ပူးပေါင်းရင်းမြစ်များ

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Yohane 5:19

Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 14:10

Khonakhulupilila wi miyaano kiri mwa Attiitthaaka nave Attiitthaaka eri mwa miyaano? Mawu ayo kinalloteemi wa nyuwaano nginallota mwa olamulello wa miyaano meekhaaka koma Attiitthaaka ookhalla mwa miyaano enneera mitteko ddiwa mwa miyaano.

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Yohane 8:28

Sika aallota wi, “Mwakitthomeya vamutandani mi Mwaana a Muthu, muneerodduwella wi miyaano tti meene. Vano muneerodduwellattho wi ngineera ddeko ni olamulello wa meekhaaka koma kinallota nnddo Attiitthaaka yaakihuddihalliiwa wi killote.

Aroma 15:3

Vawi Khrisitu khenre ddeko ddawi iihakallallihe yeekhaaye koma tti wonanko mmo mawu a Mulluku enallotelliiwa wi, “Epewe mwaallotelliweenyu yaakiphiyerattho miyaano.”

Yohane 8:50

Miyaano nginaashaasha ntitimiho nameekhaaka koma vookhalla mmodda ananaashaasha nave yooyo sika anaaweeruze.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Yohane 17:4

Miyaano kohuutitimihani nyuwaano mu ellapo yavatthi vawi koomalliha mutteko oyo mwakivahilleenyu wi kiphare.

Masalimo 96:13

vamiitthoni va Apwiya, vawi enimawa wi yeeruze ellapo yavatthi. Eneereweeruza ellapo ettheene mweechilungamo, athu a mitundu ddittheddene mwawoona.

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Genesis 18:25

Ddawoona, khamuwiipha athu oolungama ni oohilungama. Yeella tti yooheereya! Ethiyo aweeruza a ellapo yavatthi ettheene khanaphwanella weera echilungamo?”

Aroma 2:5

Koma ekaamba ya wumma murima wanyu ni ohipaalla orukunuwa murima, Mulluku aneerewuullakani wunchichi va nllapo nno aneereeye uupullulle osha murima waye ni echiweruzwaaye yeechilungamo.

Aroma 2:2

Attheene ninnadduwella wi echiweruzo ya Mulluku va athu eneera ddeko ddenndda tti yawoona.

Yesaya 28:6

Oweeruza eneerovahiwa murima woolungama nave eneerewaallipiha murima attheene enallipana ni adani va millako dda muzinda.

Zefaniya 3:15

Apwiya ahuuvenyihellani ollakiwa wanyu, aawiikarihellani adanaanyu. Apwiya, mwene a Israele, eri ni nyuwaano, khamuwa moovattho erive yoonanara.