Yohane 5:28 - Mawu a Mulluku

²⁸ Muhittikhine ni ddenndda, enthawi enimawa yawi ookhwa attheene eneerewiiwa okhuwa waka.

Yohane 5:28 ပူးပေါင်းရင်းမြစ်များ

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Yesaya 26:19

Athu ookhwa eneerokhallattho ni okumi, miilli ddiwa ddineerovenya. Nyu attheene muri mu mahame, venyani ni wiipa nchipo moohakallalla. Wonanko nikame ninoollowihelliiwa vatthi ohihimulla ddoomella, emoddamoddave yeeyo Apwiya eneerewaavenyiha ookhwa.

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

1 Akorinto 15:22

Vawi athu attheene enakhwa ekaamba ya Adamu, emoddamoddave yeeyo attheene eneerovenyihiwa wa ookhwa ekaamba ya Khrisitu.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Yohane 3:7

Ohittikhine kaambiiwa kohuulleella wi, ‘Onaphwanella wi muyariwe wiilli.’

Yohane 5:20

Vawi Attiitthaaka ennakikonda miyaano nave ennakooniha miyaano ddittheddene eneeriiwa. Nave eneerokooniha ddeko ddookhwaranya nndda wi muttikhine.

Yohane 4:21

Yesu aallota wi, “Moowe Kiiwellelleni, enthawi eneerokwakhwana yawi athu khewa yaallapella Attiitthiiwa naari vamwaangonoolla apaalle o Yerusalemu.

Mitteko 3:12

Petro awoonilleeye athwaayo, aallota wi, “Aisraele nyu, munattikhinella tini ni yeella apaalle munaniweherati wonanko nimweetihalle muthoolla ni masivaahu apaalle wi niri aweellesesa?

Daniele 12:2

Anchichi mwa ookona mu nthupi navatthi eneerovenya. Amodda enaaye o okumi woohimalla, amodda o owulliha muru ni o ollaka woohimalla.

Yohane 4:23

Nave enthawi enimawa nave yoophiya khalle yawi oollapella mwawoona eneerewaallapella Attiitthiiwa moohoollelliwa ni Munepa Waweella ni mwawoona vawi Attiitthinnya enaapaalla athu awi ddiidda ekhalle oomullapella.

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Mitteko 24:15

Kinnamutiyera Mulluku wonanko alliwa wi athu attheene oolungama ni oohilungama eneerovenya wa ookhwa.