Yohane 5:26 - Mawu a Mulluku

²⁶ Vawi Attiitthaaka aakhalla ni masiva owaavaha athu okumi, emoddamoddave yeeyo alliwaayo aakivaha miyaano masiva owaavaha athu okumi.

Yohane 5:26 ပူးပေါင်းရင်းမြစ်များ

Yohane 11:26

Nave oyo ari mukumi nave anakikhulupilila miyaano khawa akhwa. Onnakhulupilila ddenndda?”

Yohane 1:4

Mwa yaayo mwaakhalla okumi nave okumooyo waari owala wa athu.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

1 Timoteo 1:17

Wa Mwene oohimalla, oohikhwa ni oohooneya oyo ari Mulluku yeekhaaye, okhalle oriiheya ni ntitimiho wa enthawi yoohimalla! Amen.

1 Akorinto 15:45

Vawi mawu a Mulluku enallota wi, “Muthu awaamba, Adamu, aari muthuve.” Koma Adamu oomallihella, Yesu tti Munepa woovaha okumi.

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

1 Timoteo 6:16

Yooyove ari ni okumi woohimalla, anakhalla mu owala woohiphiyereya. Khaavo muthu amoonille yoolla, khaavottho muthu anaawore omoona. Wa yooyo okhalle ntitimiho ni masiva oohimalla! Amen.

Mitteko 17:25

Nave khanarumeyelliwa ni athu wonanko olliye annapaalla ello kaambiiwa olliye sika anavaha okumi ni weeriha wi nivumeke ni ovaha erive ello wa athu.

Yohane 14:19

Yoohalla enthawi yooyeva nave athu a va ellapo yavatthi khewa ekoonattho miyaano koma nyuwaano muneerokoona miyaano kaambiiwa miyaano tti mukumi wa enthawi yoohimalla muneerokhalla akumi wa enthawi yoohimalla.

Yohane 8:51

Ddawoona, kinimuulleellani wi, oyo anasunga mawaaka m'murimani mwaye khawa akhwa.”

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Yohane 6:57

Attiitthaaka ookumi aakiruma miyaano nave ekaamba ya alliwa kookhallattho ni okumi emoddamoddave yeeyo oyo anakicha miyaano aneerokhalla ni okumi ekaamba ya miyaano.

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.