Yohane 5:21 - Mawu a Mulluku

²¹ Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

Yohane 5:21 ပူးပေါင်းရင်းမြစ်များ

Aroma 8:11

Vawi Munepa a Mulluku, oyo waamuvenyihalle Yesu wa ookhwa, wakhalla mwa nyuwaano, vano yooyo aamuvenyihalle Khrisitu Yesu wa ookhwa avahattho miilli ddanyu ddookhwanndda okumi, munepaaye wakhalla mwa nyuwaano.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Yohane 11:25

Yesu aamulleella wi, “Mi tti oyo anaavenyiha athu wa ookhwa ni waavaha okumi. Ayo enakikhulupilila miyaano aneerokhalla ni okumi woohimalla naari ekhwille.

Mitteko 26:8

Kaambiiwa tini, nyuwaano athu muri vaava khamunakhulupilila wi Mulluku annawora waavenyiha athu wa ookhwa?

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

2 Mamwene 5:7

Nave mwene a o Israele amweelengilleeye kalatooyo, ahaahulla ddoowara ddaye ekaamba ya ethakaraka allota wi, “Ethiyo mi tti Mulluku awiipha ni ohokollosella okumi wi muthu yoolla akilembelle mawu awi kichirihe makate a muthu? Tti yoodduwanyeya wi olliye anamwaasha namullota wi aambane ni mi.”

1 Mamwene 17:21

Vano Eliya aamukhupaarella mwaanooyo oraru nave aavekella mookhuwa wi, “Nyu Apwiya Mullukwaaka, muhokolloselleni mwaanoolla okumaaye.”

Yohane 6:63

Munepa a Mulluku sika anavaha okumi. Masiva a muthu khenna mutteko. Mawu ayo kaallotilleemi wa nyuwaano enavenyera wa Munepa a Mulluku oyo anavaha okumi.

1 Akorinto 15:45

Vawi mawu a Mulluku enallota wi, “Muthu awaamba, Adamu, aari muthuve.” Koma Adamu oomallihella, Yesu tti Munepa woovaha okumi.