Yohane 5:19 - Mawu a Mulluku

¹⁹ Yesu awaakhulla alliwaayo wi, “Ddawoona, kinimuulleellani wi, miyaano Mwaana ngiwora weera ddeko mwa meekhaaka koma kineera yeeyo kinooneemi Attiitthaaka yeeraka. Nnddo eneeriiwa, emoddamoddave yeeyo miyaano kinneerattho ddennddo.

Yohane 5:19 ပူးပေါင်းရင်းမြစ်များ

Yohane 12:49

Vawi ngillotille mu olamulello wa meekhaaka koma Attiitthaaka yaakirumalle aakilamula miyaano yoollota ni yowaakhulla.

Yohane 8:28

Sika aallota wi, “Mwakitthomeya vamutandani mi Mwaana a Muthu, muneerodduwella wi miyaano tti meene. Vano muneerodduwellattho wi ngineera ddeko ni olamulello wa meekhaaka koma kinallota nnddo Attiitthaaka yaakihuddihalliiwa wi killote.

Yohane 14:10

Khonakhulupilila wi miyaano kiri mwa Attiitthaaka nave Attiitthaaka eri mwa miyaano? Mawu ayo kinalloteemi wa nyuwaano nginallota mwa olamulello wa miyaano meekhaaka koma Attiitthaaka ookhalla mwa miyaano enneera mitteko ddiwa mwa miyaano.

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Aroma 8:11

Vawi Munepa a Mulluku, oyo waamuvenyihalle Yesu wa ookhwa, wakhalla mwa nyuwaano, vano yooyo aamuvenyihalle Khrisitu Yesu wa ookhwa avahattho miilli ddanyu ddookhwanndda okumi, munepaaye wakhalla mwa nyuwaano.

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Yohane 5:21

Vawi Attiitthaaka ennaavenyiha athu ookhwa enaavaha okumi, emoddamoddave yeeyo miyaano kinnavaha okumi wa ayo kinaapaalleemi.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Genesis 1:26

Vano Mulluku aallota wi, “Hankoni nimuphatuse muthu moophwanaphwana ni hiyaano, akhalle wonanko hiyaano. Alamulelleke ddamunyanja, epallame, eziweto, enama ddamuhakani ddawaapadda ddittheddene dda va ellapo yavatthi.”

Yohane 3:3

Yesu ahaakhulla wi, “Ddawoona, kinimuulleellani wi, khaavo muthu anaawore woona omwene wa Mulluku aahiyariwa wiilli.”

Miyambo 2:6

Apwiya ennavaha ezeru, mwa alliwa munnavenyera odduwella ni wiiwesesa.

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.

Masalimo 50:6

Ddamuddullu ddinnallalleya dda echilungamo ya Mulluku vawi olliye sika ari aweeruza.

Genesis 1:1

Vawaambawaamba Mulluku aaphatusa oddullu ni ellapo yavatthi.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Akolose 1:16

Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.

Afilipi 4:13

Kinneera ddeko ddittheddene oyeella mu masiva ayo Khrisitu akivahilleeye.

Afilipi 3:21

Olliye aneerotthattusa miilli ddahu ddoofookanndda nave aneeroddiphwanaphwaniha ni mwiillaaye wa ntitimiho, voopharihani masiva ayo anaworeeyena olamulella ddeko ddittheddene.

Aefeso 3:16

Kinamuveka Mulluku wi ovenyera mwa waata wa ntitimiho naye, uuvaheni masiva oweella m'Munepanaaye wi mukhalle oollipa mu echikhulupilwaanyu.

Aefeso 2:5

vawi naariihu ookhwa m'munepani voohiiwellellani aanivenyiha vamodda ni Khrisitu. Echisomo ya Mulluku sika yuuvullusalleni.

2 Akorinto 4:14

Ninnadduwella wi Mulluku, oyo aavenyihalle Apwiya Yesu, aneeronivenyihattho hiyaano wonanko mmo eerilleeye ni Yesu nave ni onikusellattho vamiitthoni vaye vamodda ni nyuwaano.

1 Akorinto 15:12

Othengaahu tti wawi Khrisitu oovenyihiwa wa ookhwa. Kaambiiwa tini amoddanyu munallota wi athu ookhwa khewa evenya?

Aroma 6:4

Obatizwaahu tti wonanko okhwa ni ovitthiwa vamodda ni olliyooyo wi nikhallena okumi wanaanweene, wonanko mmo Khrisitu aavenyihiweeye wa ookhwa ni masiva antitimiho na Attiitthiihu.

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

Yohane 2:19

Yesu ahaakhulla wi, “Kumullani enyumba ya Mullukweella nave kineeroyimakattho mallapo mararu.”

Yesaya 44:24

Apwiya Oovullusaawo, ayo yuupangille m'mirimani mwa amaayo, enallota wi, “Mi tti Apwiya ayo yapangille ddeko ddittheddene, kaanddellelleemi ddooddullu, kaari meekha. Kaphatuseemi ellapo yavatthi ethiyo ookhallavo oyo akikaviherille?

Eksodo 4:11

Vano Apwiya yaamukoha Mose wi, “Ethiyo amuvahille muthu vayanoni ttaani? Ttaani anamweeriha muthu wi akhalle oohillota apaalle oohiiwa, awoona apaalle ohoona? Ethiyo ngihiyo mi Apwiya kineera ddennddo?

1 Atesalonika 4:14

Vawi ninnakhulupilila wi Yesu aakhwa nave aavenyattho. Mwawi ddiiddattho ninnakhulupilila wi athu ayo yakhwille ekhulupililaka mwa yooyo, Mulluku aneerewaavenyiha nave aneerewaakusa vamodda ni Yesu wa olliye.

Yesaya 45:24

Eneerollota dda miyaano wi, ‘Echilungamo ni masiva ddiri mwa Apwiyave.’ Attheene ayo yakiwukilalle eneerowulliwa muru nave eneeroowa wa miyaano.

Akolose 1:11

Mullipihiweke ni masiva mattheene oovenyera o masiva antitimiho naye wi muwore ovillella ni olleva erive ello. Mwaathokozeke Attiitthaanyu moohakallalla, ayo yaweerihalleni wi mukhallena eyo Mulluku aasungenlleeye athwaaye mu omwene woowala.

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Yohane 12:50

Nave kinnadduwella wi enalamula nnddo ddinavaha okumi woohimalla. Vano kinalloteemi tti nnddo Attiitthaaka ekilleelliiwa.”