Yohane 5:18 - Mawu a Mulluku

¹⁸ Ekaamba ya yeella Ayuda yahaanjerera opaalla omwiipha vawi khaathwanre lamulo na nllapo na Sabata navettho aanamweera Mulluku wi tti Attiitthinnya wiillikaniha yeekhaaye ni Mulluku.

Yohane 5:18 ပူးပေါင်းရင်းမြစ်များ

Yohane 10:33

Ayudaalle yaamwaakhulla wi, “Khaninuuvokha malluku ekaamba ya mitteko ddaphaama koma kaambiiwa onamullotella epewe Mulluku.” Vawi weyaano tti muthu koma onaddeera wi ori Mulluku.

Yohane 10:30

Miyaano ni Attiitthaaka niri amodda.”

Yohane 19:7

Ayudaalle yaamwaakhulla wi, “Nookhalla ni malamulo awi anaphwanella okhwa kaambiiwa ahiiromolla yeekhaaye Mwaana a Mulluku.”

Yohane 8:58

Yesu ahaakhulla wi, “Ddawoona, kinimuulleellani wi, Abrahamu ahinayariwe, miyaano kaari kiriwo khalle.”

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Afilipi 2:6

Aari wonanko Mulluku, koma khaawanddeellelle wi akhalle moophwanaphwana ni Mulluku.

Yawuupullulla 22:3

M'muzindanimmo khamukhalla ello yootembeleliwa ni Mulluku. Mpando woomwene wa Mulluku owaaka wa mwaanaankhosa oneerokhalla m'muzindanimmo nave oorumeyellaaye eneeromullapella olliye.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yohane 8:54

Yesu ahaakhulla wi, “Kaariki kiititimiheke meekhaaka, ntitimiho naka khanaakhalle ni mutteko. Attiitthaaka ayo munalloteenyu wi tti Mullukwaanyu sika enakititimiha miyaano.

Yohane 7:19

Mose ahuuvahani malamulo, khe ddiiddo? Koma khaavo a nyuwaano anathwara malamulwaalla. Muneeseesella tini okiipha?”

Yohane 7:1

Ddimallille nndda Yesu aheetella mu Galileya. Khaapanlle weetella mu Yudeya kaambiiwa attekweene a Ayuda* yapaalla omwiipha.

Yohane 5:16

Sika Ayuda yahaamba omuhoosa Yesu kaambiiwa aachiriha nllapo na Sabata.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Mateyu 12:5

Apaalle khamwaaweerengille m'malamuloni yaalla wi allupa mukutho khenathwarattho malamulo vawi enaphara mutteko mu enyumba ya Mulluku nllapo na Sabata? Koma tti oohichimwa.

Yohane 1:19

Olla sika omboni wa Yohane mvo attekweene a Ayuda* a o Yerusalemu yaarumalliiwa allupa mukutho ni Alevi, oorumeyella allupa mukutho wi yamukohe Yohane wi, “We ttaani?”

Yohane 5:15

Muthooyo aavenya aalleella attekweene a Ayuda wi tti Yesu aamuchirihalle.

Yohane 5:17

Koma Yesu awaakhulla wi, “Attiitthaaka ennaphara orive mutteko. Nave miyaanottho kinapaalleya wi kiphareke mutteko.”