Yohane 5:10 - Mawu a Mulluku

¹⁰ Vano attekweene a Ayuda* yaamulleella muthu oochirihiwoolle wi, “Nna tti nllapo na Sabata nave malamulwaahu khenawaakhullella weyaano okusa mwinllaawo.”

Yohane 5:10 ပူးပေါင်းရင်းမြစ်များ

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Luka 6:2

Nave Afarisi* amodda, yahaakoha oohudderaalle wi, “Kaambiiwa tini muneereenyu ddoohaakhullelliwa ni malamulwaahu voopharani mutteko va nllapo na Sabata vookhoddollani makalla a tirigu?”

Yeremiya 17:21

Apwiya enallota wi mwapaalla osunga okumaanyu pwathani phaama nllapo na Sabata, muhimutukhulle katundu apaalle ovollowana va millako dda Yerusalemu.

Luka 13:14

Vano muttekweene a mu enyumba yamavekello mulle aasha murima kaambiiwa Yesu aachiriha va nllapo na Sabata nave ahaalleella athu attheene wi, “Vookhalla mallapo matthanu ni nimodda oowaakhullelliwa ophara mutteko, muweeke mallapo yaalla muchirihiweke, ohikhalla va nllapo na Sabata!”

Mariko 3:4

Nave ahaakoha athwaayo wi, “Malamulwaahu enanaakhullella weera tini va nllapo na Sabata? Weera ddaphaama apaalle weera ddoonanara? Omvullusa muthu apaalle omwiipha?” Koma kheyaamwaakhunlle.

Mariko 2:24

Nave Afarisi amodda yaamukoha Yesu wi, “Kaambiiwa tini oohudderaanyu eneeriiwa ddoohaakhullelliwa ni malamulwaahu voopharani mutteko va nllapo na Sabata vookhoddollani makalla a tirigu?”

Yohane 5:16

Sika Ayuda yahaamba omuhoosa Yesu kaambiiwa aachiriha nllapo na Sabata.

Yohane 7:23

Mwaana aamullopwana munnamuphadda va nllapo na Sabata wi malamulo a Mose ethwariwe koma munakishella murima kaambiiwa kaanamuchiriha muthu nllapo na Sabata?

Luka 23:56

Vano yaarowa owaniwa yakhoza makhura a nthuko naphaama wi yazoze mutembooyo. Va nllapo na Sabata yahiithuuwa, ollikana ni malamulo a Mose.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Mateyu 12:10

Waakhalla muthu a nnatta noorakalla. Afarisi yapaalla wi emwiipe Yesu mullatu, sika yaamukoha wi, “Ethiyo tti wowaakhullelliwa ni malamulwaahu ochiriha va nllapo na Sabata?”

Yohane 1:19

Olla sika omboni wa Yohane mvo attekweene a Ayuda* a o Yerusalemu yaarumalliiwa allupa mukutho ni Alevi, oorumeyella allupa mukutho wi yamukohe Yohane wi, “We ttaani?”

Yohane 5:11

Nave ahaakhulla wi, “Muthu oyo aakichirihalle sika akilleelle wi kikuse mwinllaaka keeteke.”

Yohane 5:15

Muthooyo aavenya aalleella attekweene a Ayuda wi tti Yesu aamuchirihalle.