Yohane 4:5 - Mawu a Mulluku

⁵ Mu Samariyammo aaphiya mu etawoni ya Sikari vakhuviru ni nipuro nenno khallekhalle Yakobo aamuvahilleeye mwanaye Yosefe.

Yohane 4:5 ပူးပေါင်းရင်းမြစ်များ

Yoswa 24:32

Vano makhuva a Yosefe ayo Aisraele yaakusalliiwa o Iguputo yahaavittha o Shekemu o echigawo eyo Yakobo akullalleeye wa edduullu dda Hamori, attiitthinnya a Shekemu, va mutengo wa makobiri manchichi. Nave ellapweeyo yaatthattuwa yoohallana ya edduullu dda Yosefe.

Genesis 33:19

Nipuronna anikullalle ovenyera wa edduullu dda Hamori, attiitthinnya a Shekemu, va mutengo wa makobiri 100, a siliva.

Genesis 48:22

Navettho weyaano, ohiri asinno, kinuuvaha Shekemu, echigawo elle kaakhilleemi ni nsupada naka ni muuraaka ovenyera wa Aamori.”

Yohane 4:12

Yakobo, nikhollo nahu, sika aanivahille ehime yeella nave aawiryamo, olliye ni anaaye ni eziweto ddaye. Nyuwaano tti oomukhwaranya Yakobo?”

1 Mamwene 13:32

Ddawoona, mawu ayo Apwiya yamullotihalliiwa ddootembelela nikuwa na o Betele ni enyumba dda va mapuro a mallapello a mu mizinda dda o Samariya, ddaakwakhwanihelliwa.

Luka 9:52

Vano ahaaruma athu amodda wi ehoolle. Yaavollowa m'muzi mwa Asamariya* wi yamukhozere nipuro naye.

Yohane 4:6

Wenko waakhalla ehime ya Yakobo nave vawi Yesu aatopa ni olendwaaye aakeraatthi mukhwipi mwa ehimeeyo. Yeella yaari enthawi yaatamenlle 12 koloko otthaana.

Yohane 4:8

(Oohudderaaye yaari ekelle o etawoni wookulla yoocha.)

Yohane 4:39

Vano Asamariya anchichi mutawoni mulle yaakhulupilila mwa Yesu ekaamba ya omboni wa mutthiyana wawi, “Aakilleella miyaano ddeko ddittheddene kenreemi.”