Yohane 4:46 - Mawu a Mulluku

⁴⁶ Vano Yesu aahokollweella o Kana mu Galileya nko khalle aatthattusalleeye maaddi okhalla vinyo. Wenko waakhalla muttekweene a o boma o Kaperenao nave mwanaye aamullopwana aanavoriiwa.

Yohane 4:46 ပူးပေါင်းရင်းမြစ်များ

Luka 8:42

Aamuvekille yeella kaambiiwa aakhalla ni mwaana aamutthiyana mmoddave a miyakha khumi ni miilli oyo aari vakhuviru okhwa. Vano Yesu ayeeye wenko, mullokooyo waanamupanikiza ekaamba yawaata.

Luka 7:2

Wenko waakhalla akhoto muullupalli a o Roma, oyo aari ni kaporwaaye aamukondilleeye oyo aavoriiwalle ohalla vang'ono okhwa.

Mateyu 15:22

Mutthiyana o Kanani ookhalla o ezigawo dda wenko, aawa wa olliye. Aakhuwa wi, “Mukeerelle echifundo, Apwiya, Edduullu ya Davide! Mwanaka aamutthiyana ookhalla ni munepa woonanara.”

Mateyu 9:18

Yesu alloteeye ddeko ddenndda, aawa muttekweene a Ayuda* amukokhorella, allota wi, “Mwanaka aamutthiyana ttuukhwa wene. Koma muwe mwiiyaatthi mattaanyu va olliyooyo wi akhallettho mukumi.”

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Yohane 21:2

Simoni Petro, Tomasi ooromolliwa wi Didimo, Natanaele a o Kana a Galileya, anamwani a Zebedayo ni eelli amodda a oohudderaaye yaari nimodda.

Masalimo 78:34

Aawiiphaka amodda oohalla yaanamwaashaasha, yaanahokollowa enamwaashaasha Mulluku ni murimiiwa muttheene.

Yoswa 19:28

Ebdoni, Rehobu, Hamoni ni Kana yaphiya o Sidoni muullupalli.

Mateyu 4:13

Aavenyawo o etawoni ya Nazareti nave aaya akhalla o Kaperenao, etawoni ya mukhwipi mwa enyanja ya Galileya,* mu malire a Zebuloni ni Nafutali.

Luka 4:23

Nave Yesu aallota wi, “Kinnadduwella wi muneerokillotella miyaano mwambi wawi, ‘Mullupa murete we, ichirihe weekha’ nave weerilleewe mu Kaperenao weerettho wuno o etawoni yoowaninyweella.”

Yohane 2:12

Ddimallille nndda, Yesu, amennya, asinne ni oohudderaaye yaaya o etawoni ya Kaperenao nko yakhallilliiwawo mallapo ooyeva.