Yohane 4:42 - Mawu a Mulluku

⁴² Yaamulleella mutthiyanoolle wi, “Ninnakhulupilila vano ohiri ekaamba ya mawaawo koma kaambiiwa noomwiiwa weekhiihu nave ninnadduwella wi yoollathi tti Oovullusa a ellapo yavatthi.”

Yohane 4:42 ပူးပေါင်းရင်းမြစ်များ

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

1 Timoteo 4:10

Vawi ninnaphara mutteko moollipihella kaambiiwa nookhalla ni etiyerellwaahu mwa Mulluku Ookumi, oovullusa athu attheene, makamaka ookhulupilila.

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

Mitteko 4:12

Nave khaavo muthu koma Yesuve oyo anawora waavullusa athu vawi va ellapo yavatthi ettheene khaniivo nnddina nimodda navahiwe ni Mulluku wi nivullusiwena.”

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 4:29

“Hankoni mwamoone muthu akilleelle ddittheddene kenreemi. Yoolla khahiyo Mesiya?”

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Luka 2:32

owala wawuupullulla opaalla wanyu wa athu oohimullapella Mulluku, ni ovelleella ntitimiho va athwaanyu Israele.”

Yohane 11:17

Yesu aphiyalleeye o Betaniya, aamuphwanya Lazaro akhanlle mu mahame mallapo masese.

Mateyu 1:21

Aneeromuyara mwaana aamullopwana nave aneeromuvaha nnddina nawi Yesu kaambiiwa aneerewaavullusa athwaaye o machimwiiwa.”

Yesaya 52:10

Apwiya aaphariha mutteko masiviiwa aweella vamiitthoni va mitundu dda athu ddittheddene. Ellapo ettheene yavatthi ophiya o makomello wiwa eneerewoona ovullusa wa Mullukwaahu.

Yohane 4:41

Anchichi yaavirellella waanjerereya okhulupilila ekaamba ya mawu a Yesu.

Mitteko 5:31

Yooyo Mulluku aamuwelliha akhalla onnattanatta naye wi akhalle Oohoollella navettho Oovullusa wi aavahe athu a o Israele ekari yoorukunuwa murima ni okhululukelliwa machimwiiwa.

Mitteko 13:23

Moollikana ni nnddo alonjezilleeye khalle Mulluku aheeriha edduullu ya Davide, Yesu wi akhalle oowaavullusa a Aisraele.

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.