Yohane 4:38 - Mawu a Mulluku

³⁸ Kahuurumani wi mwahate yeeyo mwahipharelleenyu mutteko. Amoddeene sika yaphanre mutteko wenko nave nyuwaano muphiyere waakhella ddoohata ddiwa.”

Yohane 4:38 ပူးပေါင်းရင်းမြစ်များ

Yohane 1:7

Olliye aawa wi akhalle mboni a owalanko wi attheene ekhulupilile ekaamba ya ombonaaye.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

Mitteko 6:7

Mawu a Mulluku yaavirellella ovuwa. Nave ookhulupilila a mu Yerusalemu yahaata nave allupa mukutho anchichi yahaakhullella echikhulupililweeyo.

Mitteko 5:14

Athu anchichi, allopwana ni atthiyana yahaamba okhulupilila mwa Apwiya.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

Mitteko 4:32

Mulloko wa ookhulupililaayo waari wowiiwanana m'murimani mwiwa mutthemwene ni m'maganizoni mwiwa mutthemwene. Khaarivo oyo allotille wi ello aariiyena tti yaayeyaaye koma yaanakawana attheene ddeko ddittheddene yaariiwana.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Yohane 4:37

Yoollotiwa yeella tti yawoona yawi, ‘Awaalla tti mmodda, oohata tti mmoddattho.’

Yohane 4:39

Vano Asamariya anchichi mutawoni mulle yaakhulupilila mwa Yesu ekaamba ya omboni wa mutthiyana wawi, “Aakilleella miyaano ddeko ddittheddene kenreemi.”

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

2 Akorinto 10:15

Nave khaninakotella mutteko oyo ophariwe ni athu amodda ovirellella muyezo Mulluku anivahilleeye koma ninatiyera wi echikhulupilwaanyu yunnuwe wi munivahe olemu munchichi voohivirerellani muyezo anivahille Mulluku.