Yohane 4:23 - Mawu a Mulluku

²³ Nave enthawi enimawa nave yoophiya khalle yawi oollapella mwawoona eneerewaallapella Attiitthiiwa moohoollelliwa ni Munepa Waweella ni mwawoona vawi Attiitthinnya enaapaalla athu awi ddiidda ekhalle oomullapella.

Yohane 4:23 ပူးပေါင်းရင်းမြစ်များ

Afilipi 3:3

tti hiyaano, ohiri alliwaayo koma hiyaano sika niphaddiwe mwawoona vawi ninamullapella Mulluku mwa munepaaye nave ninnahakallalla ekaamba ya Khrisitu Yesu ohiri ekaamba yookhulupilila ddaweereya dda mwiilli.

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Agalatiya 4:6

Vawoonihani wi nyuwaano tti anaaye, Mulluku aarumiha Munepa wa mwanaye m'mirimani mwahu, Munepooyo onakhuwa wi, “Abba, Attiitthaaka.”

Aroma 8:26

Munepa annawattho onikavihera kaambiiwa hiyaano tti oofooka vawi khaninadduwella mmo ninaphwanellaahu ovekella. Munepa mwaneena annanivekella wa Mulluku ddookhupanya ddoohiworeya ollota.

Yohane 12:23

Nave Yesu ahaakhulla wi, “Enthawi yoophiya vano yawi mi Mwaana a Muthu kititimihiwe.”

Aefeso 6:18

Mweereke ddenndda mu nivekello. Muvekelleke va ddirive ddaweereya, moohoollelliwa ni Munepa. Mukhalleke oowehera nave muvekelleke moohihiyerera, mwaavekellellekettho athu a Mulluku enthawi ettheene.

Yohane 4:21

Yesu aallota wi, “Moowe Kiiwellelleni, enthawi eneerokwakhwana yawi athu khewa yaallapella Attiitthiiwa naari vamwaangonoolla apaalle o Yerusalemu.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Yesaya 58:2

Ennakaashaasha nllapo ni nllapo voopaallani wi edduwelle ettilla ddaka. Wonanko mutundu waweera ddoolungama oohihiya malangizo a Mullukwiiwa, alliwa ennakiveka malangizo oolungama nave ennahakallalla okaatamella miyaano Mullukwiiwa.”

Yesaya 43:21

Yaayo tti athu kiiphatuselleemi, ekiipelleke machipo ookititimiha.”

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

Yoswa 24:14

“Vano nyuwaano, mwaavahe olemu Apwiya nave mwaarumeyelleke mwawoona nave moororomelleya. Venyihani milluku nnddo makhollwaanyu yaddillapelliiwa okhopella wa mihinje wa Yufurate ni o Iguputo nave mwaarumeyelle Apwiya.

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Masalimo 17:1

Nyu Apwiya, iwani ovekella wa oolungama, apellani maaru winlla waka, iwani ovekella wa oohoottha.

1 Samuele 12:24

Muwooveke Apwiya nave mwaarumeyelleke mookhulupilileya ni murimaanyu muttheene. Enthawi ddittheddene muupuwelleke ddeko dduullupalli nnddo eweerelleewani.

Yohane 16:32

Enthawi enimawa nave yoophiya khalle eyo munaapallallesiweenyu, arive muthu owaniwa nave munaakihiye meekhaaka. Koma nginakhalla meekhaaka kaambiiwa Attiitthaaka eri ni miyaano.

Yeremiya 4:2

Mullupelleke wi, ‘Mu nnddina na Apwiya Ookumi.’ Mweereke ddenndda mwawoona, mweechilungamo ni moororomelleya. Vano athu a mitundu ddittheddene eneerokiveka wi kaadalise nave eneerokitthamalla.”

Yeremiya 3:10

Komave eerille ddittheddenenndda, Yuda mwanamunne oohiroromelleya aahokollweella wa miyaano koma moolleka ohiri ni murima muttheene. Mi Apwiya koollota.”

Miyambo 15:8

Mikutho dda muthu oochimwa onnaananara Apwiya koma mavekello a aphaama ennaahakallalliha.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Aroma 1:9

Mulluku, oyo kinamurumeyelleemi ni murimaaka muttheene voollalleyani othenga waphaama wa Mwanaye, sika mbonaaka wi kinnawuupuwellani erive enthawi kaavekellaka.

Masalimo 147:11

koma Apwiya ennahakallalla ni athu oowoova, ayo enatiyera echikondiiwa yoohisintheya.

Ezekiele 22:30

Kaamwaashaasha muthu variyari viwa wi amake mpanda, wi iimelle mvo vakumuwalle, wi ateteze ellapo ni okipepesa wi kihiyoononge koma ngaamuphwanyille.

Nchipo na Solomoni 2:14

We tti ekhundaaka, yookhalla m'mittharini dda malluku, mwawiipittheya phaama ni mooserereya. Koone ekhovaawo nave kiiwe mawaawo. Valle mawaawo tti ooddiva nave ekhovaawo tti yooreera.

Masalimo 32:2

Oodalisiwa tti oyo Apwiya ehinamweerengelliiwa mullatwaaye, oyo m'murimani mwaye muhiri ddoolleka.

Yesaya 10:20

Nllapo nenno oohalla a o Israele, oovulluwa a mu nibanja na Yakobo kheyaaroromellattho athu yawoonongille koma enaahameelle va Apwiya, Aweella a Israele.

Yohane 5:28

Muhittikhine ni ddenndda, enthawi enimawa yawi ookhwa attheene eneerewiiwa okhuwa waka.

Yohane 16:2

Khamwaakhullelliwa ovollowa mu enyumba ddamavekello* nave enthawi eneerophiya yawi arive muthu oyo anaawiipheni nyuwaano anaaganizekeeye wi anamurumeyella Mulluku.