Yohane 4:22 - Mawu a Mulluku

²² Nyuwaano Asamariya khamunamudduwella oyo munamullapelleenyu koma hiyaano Ayuda ninnamudduwella oyo nnamullapelleehu kaambiiwa ovullusa onavenyera wa Ayuda.

Yohane 4:22 ပူးပေါင်းရင်းမြစ်များ

Mitteko 17:23

Vawi keetilleemi m'muzindani mwanyummu, koona mapurwaanyu oollapellella, kaaphwanya nikuwa noolembiwa wi, ‘Wa mulluku oohidduwanyeya.’ Vano oyo munamullapelleenyu naari muhimudduwellaka, tti oyo kinamullalleyeemi wa nyuwaano.

Yesaya 2:3

Athu a mitundu ddinchichi eneeroowa ellotaka wi, “Hankoni niwelle o mwaango wa Apwiya, o enyumba ya Mulluku a Yakobo! Eneeronihuddiha ettilla ddiwa nave nineeteke mwemmo. Vawi o Ziyoni sika onaavenyereke malangizo, o Yerusalemu sika onaakhume mawu a Apwiya.

Luka 24:47

Nave mu nnddina naye ollalleyiwe othenga woorukunusa murima ni okhululukiwa wa machimo wa athu attheene, waambeella mu Yerusalemu.

Mitteko 17:30

Mulluku khalle ahaahiya athu oohaallaka vawi kheyaamudduwella koma vano annaalamulella athu attheene orive weko wi erukunuwe murima.

Masalimo 147:19

Ennamudduwelliha Yakobo mawiiwa, ennamuhuddiha Israele malamulwiiwa ni malangizwiiwa.

Aheberi 7:14

Tti ddoodduwanyeya phaama wi yayariwelle o nlloko na Yuda. Nave Mose khaaromonlle dda nlloko nenna ovenyera khalle voollotani dda allupa mukutho.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Masalimo 68:20

Mullukwaahu tti Mulluku oovullusa, tti Mulluku, Apwiya ayo enanoopolla wuukhwaani.

Yesaya 46:13

Kinnasusella vakhuviru ni ovullusa waka, kohaatamella, ngiselliwa wuuvullusani. Kineeromuvullusa Ziyoni, kineeroyiriiha ellapo ya Israele.”

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Ezara 4:2

yaawa wa Zerubabele ni wa oohoollella mabanja ellota wi, “Hankoni nimakellettho nimodda vawi ninnamullapella Mullukwaanyu moophwanaphwana ni mmo muneerelleenyu nave nookhalla nivelleellaka mikutho wa olliye waambeella enthawi ya Ezaradoni, mwene a o Asiriya oyo anipharelle wuno.”

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Mitteko 3:26

Nave Mulluku amutthoonlleeye oorumeyellaaye, aambille omurumiha wa nyuwaano wi uudaliseni vooweerihani attheenenyu wi murukunuwe murima o machimwaanyu.”

Aroma 11:18

Sika muhaavevulleke ayo yinttakeye wonanko enthambi. Mwaawiitukhullaka, muupuwelleke wi khamuhiyo nyuwaano munaphareella misisi koma misisi sika ddinuuphareellani nyuwaano.