Yohane 4:16 - Mawu a Mulluku

¹⁶ Yesu aamulleella wi, “Khawe wamwiithane mamuno nave mwawe attheene wuno.”

Yohane 4:16 ပူးပေါင်းရင်းမြစ်များ

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yohane 4:18

Vawi wookhalla otthelliwaka ni allopwana atthanu nave mullopwana onakhalleewenoolla khe mamuno. Wookilleella ddawoona.”

Yohane 1:42

Eerille ddiiddo aamukusella Simoni wa Yesu. Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.)

Yohane 4:15

Mutthiyanoolle aallota wi, “Kivaheni maaddi yaayo wi kihivolliwettho nthona navettho kihihokollweelle wuno orika maaddi.”

Yohane 4:17

Mutthiyanoolle ahaakhulla wi, “Nginna mamunaka.” Yesu ahaakhulla wi, “Woollota ddawoona voollotani wi, ‘Nginna mamunaka.’