Yohane 4:1 - Mawu a Mulluku

¹ Afarisi* yahiiwa wi Yesu annaakopa ni waabatiza oohuddera anchichi omukhwaranya Yohane.

Yohane 4:1 ပူးပေါင်းရင်းမြစ်များ

Yohane 3:26

Sika yaawa wa Yohane emulleella wi, “Ahuddihi, munnamuupuwella muthu oyo aari ni nyuwaano okhopella wa muhinje wa Yordani, olle mwamuvelleellelleenyu omboni? Vano arina obatiza nave athu erina othamakella wa olliyooyo!”

Yohane 3:22

Ddimallille nndda Yesu ni oohudderaaye yaaya o echigawo ya Yudeya. Wenko aakhallawo ni alliwaayo wa milungu ddooyeva nave aanabatiza.

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

1 Akorinto 2:8

Khaavo oolamulella a ellapo ella aadduwenlle ezeru yeella. Yadduwenlleke kheyaatthomeye vamutandani Apwiya antitimiho.

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

Yakobo 2:1

Asinnaka ni arokoraka vawi munnaakhulupilila Apwiihu Yesu Khrisitu, Apwiya antitimiho, muhinakondellaka variyari va athu moollikana ni wooneya wiwa.

Luka 2:11

Ollello vaava mu etawoni ya Davide, oovullusaanyu ooyariwa, nnddina naye Khrisitu Apwiya!

Luka 19:34

Yahaakhulla wi, “Apwiya aakhalla ni mutteko,”

Luka 19:31

Muthu uukohani wi, ‘Kaambiiwa tini muneereenyu yeeyo?’ Mumulleelle wi, ‘Apwiya ennampaalla.’ ”

Luka 1:76

“We, mwanaka, oneeroromolliwa namallotella a Mulluku Muullupalli. Oneerewaahoollella Apwiya, wi wookolle ettilla ddiwa.

Luka 7:13

Apwiya yamoonilliiwa mutthiyana ookhwelliwooyo yaammorella ethakaraka, ellota wi, “Maalla.”

Luka 7:19

Ahaarumiha wa Apwiya wi yamukohe wi, “Ethiyo nyuwaano tti oyo ninamutiyeraahu wi awe apaalle nimutiyereke mmodda?”

1 Akorinto 1:17

Khrisitu khaakirumalle miyaano wi kibatize. Koma aakirumalle wi killalleye othenga waphaama moohipharihani mutteko mawu eezeru manchichi wi okhwa wa Khrisitu vamutandani ovirellelle okhalla ni masiva.