Yohane 3:35 - Mawu a Mulluku

³⁵ Attiitthinnya ennamukonda Mwaniwa nave aahiya ddeko ddittheddene mu olamulellwaaye.

Yohane 3:35 ပူးပေါင်းရင်းမြစ်များ

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Yohane 5:22

Attiitthaaka khenamweeruza arive muthu koma aakivaha miyaano olamulello ottheene waweeruza,

Yohane 5:20

Vawi Attiitthaaka ennakikonda miyaano nave ennakooniha miyaano ddittheddene eneeriiwa. Nave eneerokooniha ddeko ddookhwaranya nndda wi muttikhine.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

Yohane 17:2

Vawi mookivaha olamulello va athu attheene wi kaavahe okumi woohimalla athu attheene mwakivahilleenyu.

Mateyu 11:27

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthinnyave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.

Aefeso 1:22

Mulluku aahiya ddeko ddittheddene m'mattani mwa Khrisitu nave aamweeriha wi akhalle muru a ddeko ddittheddene wi apindulelle mpingo.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

1 Akorinto 15:27

Vawi mawu a Mulluku enallota wi, “Mulluku aahiya ddeko ddittheddene m'mattani mwaye.” Nave tti ddoodduwanyeya khalle wi mawu awi, “ddeko ddittheddene” khenamwaaka ni Mullukweene oyo anahiya ddeko ddittheddene m'mattani mwa Khrisitu.

Masalimo 2:8

Ngakiveke woone, kineerotthattusa mitundu wi ddikhalle yoohallanaawo. Ellapo ettheene yavatthi enaakhalle yaawo.

Aheberi 1:2

Koma mu mallapo oomallihellaalla anallota wa hiyaano oweella mwa Mwanaye. Mwa olliyoolla Mulluku aaphatusa ellapo ni ddittheddene ddinakhalla mwemmo. Nave Mulluku aamutthoolla wi omamallihello wene ddeko ddittheddene ddikhalle ddaayeddaaye.

Yohane 17:26

Nave kahaadduwelliha nyuwaano nave kineerovirellella weera ddiiddo. Vano echikondi muriinyuna mwa miyaano ekhalle mwa alliwa nave miyaanottho kikhalle mwa alliwaayo.”

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 15:9

Kinnuukondani wonanko mmo Attiitthaaka enuukondelliiwani. Sika mukhalleke mu echikondaaka.

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Yesaya 42:1

Apwiya enallota wi, “Olla tti oorumeyellaaka oyo kamuthoollilleemi, kinamukondeemi ni ohakallallana wunchichi. Kineeromwinnya munepaaka aneeroweeruza athu a mitundu ddittheddene mweechilungamo.

Miyambo 8:30

Kaari muthu eeruso vakhuviru ni alliwa, kinaahakallalliha nllapo ni nllapo, kaanathapella enthawi ettheene vamiitthoni viwa.

Genesis 41:55

Ettalleeyo ekwakhwanille ellapo ettheene ya Iguputo, athu yahaamba omwinllella Farao wi aavahe yoocha. Nave Farao ahaalleella athu attheene wi, “Khaweni wa Yosefe nnddo aneereeye uulamuleni, mweere ddennddo.”

Genesis 41:44

Farao aamulleella Yosefe wi, “Naari kiri mwene, weyaano waahaakhullella, khaavo naari muthu mmodda oyo anaawore weera erive ello naari weeta wene mu ellapo ettheeneella ya Iguputo.”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.