Yohane 3:32 - Mawu a Mulluku

³² Annavelleella omboni dda eyo oonilleeye nave iiwalleeye koma khaavo muthu aakhullelle ombonaaye.

Yohane 3:32 ပူးပေါင်းရင်းမြစ်များ

Yohane 3:11

Kinimuulleella ddawoona wi, ninallota yeeyo ninadduwelleehu nave ninavelleella omboni dda yeeyo nonneehu koma nyuwaano khamunamukhulupilila ombonaahu.

Yohane 15:15

Nginaweeranittho allupa mutteko kaambiiwa mullupa mutteko khanadduwella eyo apwinnya eneeriiwa. Koma kinaweerani akhwaaka kaambiiwa kohuulleellani ddittheddene kiiwalleemi ovenyera wa Attiitthaaka.

Yohane 1:11

Olliye aawa owaniwa koma athu a owaniwaayo kheyamwaakhenlle.

Yohane 8:26

Kookhalla ni ddeko ddinchichi ddawi killote dda nyuwaano dda wuuvaanyihani. Koma oyo aakirumalle miyaano tti awoona nave kinalleella ellapo yavatthi ddennddove kiiwalleemi wa olliye.”

Yohane 5:20

Vawi Attiitthaaka ennakikonda miyaano nave ennakooniha miyaano ddittheddene eneeriiwa. Nave eneerokooniha ddeko ddookhwaranya nndda wi muttikhine.

Yohane 3:33

Koma Oyo anaakhullella ombonaaye annasimikiza ni yeella wi Mulluku tti awoona.

Yohane 3:26

Sika yaawa wa Yohane emulleella wi, “Ahuddihi, munnamuupuwella muthu oyo aari ni nyuwaano okhopella wa muhinje wa Yordani, olle mwamuvelleellelleenyu omboni? Vano arina obatiza nave athu erina othamakella wa olliyooyo!”

Yesaya 53:1

“Ttaani akhulupililalle othengaahu? Ethiyo ttaani uupullullelliwe masiva a Apwiya?

Yesaya 50:2

Ethiyo kaambiiwa tini kawiilleemi koma oohimphwanya muthu apaalle kiithanilleemi koma oohaakhulliwa? Ethiyo muwonwaaka tti wookhuveya wi khowora woopolla apaalle nginna masiva oovullusella? Ngoona ni ohumullulla wakeve kinnummiha enyanja, mihinje ddinnatthattuwa echipululu. Ekaamba yoorama maaddi, ehomba ddinnunkha ni okhwa ni nthona.

Mateyu 7:8

Vawi attheene ayo enaveka eneerewaakhella nave ayo enaashaasha eneerophwanya nave oyo anookotha aneerohullelliwa nchiwi.

Yohane 18:37

Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”