Yohane 3:31 - Mawu a Mulluku

³¹ Oyo anavenyera oddullu tti oowakhwaranya attheene. Oyo anavenyera va ellapo yavatthi anakhalla a va ellapo yavatthi nave anallota dda ddeko ddaweereya va ellapo yavatthi koma oyo anavenyera oddullu ari ookhwaranya attheene.

Yohane 3:31 ပူးပေါင်းရင်းမြစ်များ

Yohane 8:23

Yesu ahaakhulla wi, “Nyu munavenyera va ellapo yavatthimva nave miyaano kinavenyera oddullu. Nyuwaano tti a ellapo yavatthimva koma miyaano khe a ellapo yavatthimva.

Mateyu 28:18

Yesu aaphiya vakhuviru allota wi, “Attiitthaaka aakivaha olamulello muttheene wa oddullu ni wa vatthimva.

Aroma 9:5

Alliwaalla tti edduullu dda Aisraele makhollo oovuwaalle ayo yaari makhollo a Khrisitu mwa omuthu. Mulluku oyo analamulella ddeko ddittheddene atitimihiwe enthawi yoohimalla! Amen.

Yohane 6:33

Vawi buledi anavelleelliwa ni Mulluku tti miyaano kikitthalle ovenyera oddullu nave kinavaha okumi va ellapo yavatthi.”

1 Yohane 4:5

Anamallotella awootthaayo enallota dda ddeko dda ellapo yavatthi nave athu a ellapo yavatthi ennawiiwellella kaambiiwa tti a mu ellapo yavatthi.

Yohane 6:51

Mi tti buledi oovaha okumi, yooyo aakitthalle ovenyera oddullu. Muthu amucha buledi yoolla, aneerokhalla ni okumi woohimalla. Nave buledi oyo kinamuvaheemi wi athu a va ellapo yavatthi ekhalle ni okumi, tti mwiillaaka.”

Yawuupullulla 19:16

Va yoowaraaye ni vakasambarani vaye vaalembiwa nnddina nawi, “Mwene a mamwene ni Apwiya a apwiya.”

1 Petro 3:22

Olliye aarowa oddullu nave akhalla o nnattanatta na Mulluku, olamulella angelo ni masiva amodda mattheene ooddullu.

Yohane 1:27

Animawa mutulli mwaka nave miyaano ngiphwanenlle naari ottaphulla mikwe dda esapato ddaye.”

Mitteko 10:36

Aarumiha othengaaye wa athu Israele, ollalleya othenga waphaama wa murendelle mwa Yesu Khrisitu. Yesu yoolla tti Apwiya a athu attheene.

Aheberi 9:1

Echipangano yawaambeelle yaakhalla ni malamulwiiwa a mallapello nave yaakhallattho ni musasa woollapellamo wa va ellapo yavatthimva.

Yohane 1:30

Olla sika kamwaakeemi kalloteemi wi, ‘Animawa vatulli vaka nave tti ookikhwaranya kaambiiwa miyaano kihinayariwe aari arivo khalle.’

Yohane 1:15

Vano Yohane aavelleella omboni dda olliye. Aakhuwa wi, “Olla sika kamwaakeemi kalloteemi wi, ‘Animawa vatulli vaka nave tti ookikhwaranya kaambiiwa miyaano kihinayariwe aari arivo khalle.’ ”

Yohane 3:30

Yoolla tti oophwanella wi akhalle oopaalleya wunchichi nave miyaano kikhalle oopaalleya vang'ono.”