Yohane 3:29 - Mawu a Mulluku

²⁹ Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

Yohane 3:29 ပူးပေါင်းရင်းမြစ်များ

Hoseya 2:19

We Israele, kineerewuutomela wi okhalle mwaaraka wa enthawi yoohimalla. Kineerewuutomela mwawoona, moolungama, mweechikondi yoohisintheya ni mweechifundo.

Mateyu 9:15

Yesu ahaakhulla wi, “Ethiyo ttuuworeya wi awiithaniwa o machellello a okwati yinlleke ootthellooyo ari vaavo? Wohiworeya iyaayi! Koma eneerophiya enthawi yawi ootthellooyo aneerokusiwa va yaayo nave eneerohalla ocha.

Ezekiele 16:8

“Kiviraka, kahoona wi enthawaawo yootthelliwa yaakwakhwana. Vano kahuukhuneella ni mukanjwaaka ni wiipitthiha epwillimwinddaawo. Kaallupella ni okeraatthiya echipangano nave waatthattuwa aaka, Mi Apwiya Mulluku koollota.”

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yawuupullulla 21:9

Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanaankhosa.”

Afilipi 2:2

Kinimuuvekani wi, mukihakallallihe wunchichi vookhallani awiiwanana wonanko muthu mmodda vooganizani ni vookondani.

Yohane 16:24

Ophiyera vano khamuvekille erive ello mu nnddina naka, sika vano vekani nave muneerewaakhella wi muhakallalle murimaanyu muttheene.

1 Yohane 1:4

Ninalemba yeella wi nihakallalle ni murimaahu muttheene.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Luka 15:6

Aphiyana owaniwa, aneeroowiithana akhwaaye ni athu awaatamanana nave aneerollota wi, ‘Hakallallani ni miyaano vawi kooyiphwanya enkhosaaka yooholloweelle.’

Nchipo na Solomoni 5:1

Koovollowa m'matani mwaka, we murokoraka, mwaaraka. Kinamuhata muraaka ni ddawunkhelliha yoocha ddaka. Kinacha enwaaka ni makallaphaaka. Kinamuwirya vinywaaka ni mukakaaka. Anamwalli Nyu ookondana, chani nave wiryani. Nyu ookondana, lezelani ni echikondi!

Mateyu 25:1

“Va enthawi yeeyo omwene wa Mulluku onaakhalle wonanko ddiidda: Waakhalla anamwalli khumi ayo yakusalle enyali ddiwa dda makhura eya wookumana ni ootthella.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 66:11

Muneerewaamwa ni ovona ni mapelle a ddookhurumusa murima ddaye, muneerowamulla mukaka ni ohakallalla ni waata wa oriiheya waye.

Nchipo na Solomoni 3:11

Khumani nyu anamwalli a o Ziyoni, mumoone mwene Solomoni. Awanre enduwira yoomwene eyo amennya yamuwarihalliiwa va nllapo nookwataaye mvo murimaaye wahakallanlliiwa.

2 Yohane 1:12

Kookhalla ni ddeko ddinchichi ddawi kuulleelleni koma nginapaalla oddilemba mu kalata yoolla. Koma kinatiyera owa wa nyuwaano wi nikambirane vamiitthoni ni vamiitthoni wi nihakallalle wunchichi.

Yohane 17:13

Vano kinimawa wa nyuwaano nave kinallota ddeko ddenndda kiri mu ellapo yavatthi wi ehakallallwaaka eddalle m'murimani mwiwa muttheene.

Mateyu 22:2

“Omwene wa Mulluku tti wonanko niphwanaphwaniho nna. Waakhalla mwene mmodda oyo amukhozenre mwanaye aamullopwana machellello a okwati.

Yohane 3:30

Yoolla tti oophwanella wi akhalle oopaalleya wunchichi nave miyaano kikhalle oopaalleya vang'ono.”

Yohane 15:11

“Killotille nndda ni nyuwaano wi kuukawelleni ohakallalla waka ni wi nyuwaano muhakallalle ni murimaanyu muttheene.