Yohane 3:19 - Mawu a Mulluku

¹⁹ Nave echiweruzweeyo tti ella, owala waawa mu ellapo yavatthi koma athu yaakonda epiphi ohiyana ni owala kaambiiwa yaheera ddeko ddoonanara.

Yohane 3:19 ပူးပေါင်းရင်းမြစ်များ

Yohane 8:12

Yesu aallotattho wi, “Mi tti owala wa ellapo yavatthi. Oyo anakithwara miyaano aneerokhalla ni owala woovaha okumi nave kheetattho mwiipiphini.”

2 Atesalonika 2:12

Voomallihella, attheene oohikhulupilila yawoona, ookonda ddoonanara, aneerollakiwa.

Aroma 2:8

Koma ayo eri awiikonda nave oohithwara yawoona koma enathwara yoonanara, Mulluku aneerewaashella murima wunchichi.

Yohane 12:43

Vawi yaakonda waakhella olemu wa athu ohiyana ni waakhella olemu wa Mulluku.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

Yohane 5:44

Nyuwaano munnatitimihana koma khamunaashaasha ntitimiho noovahiwa ni Mullukuve. Vano munaakhulupilile mwawiidde?

2 Petro 3:3

Yawaambeella, munaphwanella wi mwiiwesese wi mallapo oomallihellaalla athu amodda oolamuliwa ni minkhella ddiwa eneerewooneya. Eneeroweerellani epewe

Yohane 1:4

Mwa yaayo mwaakhalla okumi nave okumooyo waari owala wa athu.

Luka 12:47

“Mullupa mutteko oyo anadduwella ello apwinnya enapaalliiwa wi eere koma khanakhozeka weera nave khaneera, aneerewuukuthiwa mwawoopiha.

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

Yohane 7:7

Athu a ellapo yavattheella khewiitani nyuwaano koma ennakiita miyaano kaambiiwa kinnavelleella omboni wawi mitteko ddiwa tti ddoonanara.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Luka 16:14

Afarisi* yiiwalliiwa ddenndda, yaanyindulla eyano ddiwa wa Yesu vawi alliwaayo yaari ookonda makobiri.

Miyambo 2:13

ayo enahiya ettilla ddoolungama eneeta ettilla dda mwiipiphini.

Yeremiya 9:6

Ennatthinddaanyera machimo vaddullu va machimo makhwiiwa, woottottha va woottottha okhwiiwa. Apwiya yaallota wi, “Athu ennakhoota okidduwella.

Yohane 1:5

Nave owalanko onnamolleella mwiipiphini nave epipheeyo khenathiimiha owalanko.

Yohane 9:5

Miyaano vookhallani mu ellapo yavatthi, kiri owala wa ellapo yavatthi.”

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

Yohane 12:46

Mi tti owala wawiille mu ellapo yavatthi wi arive muthu anakhulupilila mwa miyaano ahikhalle mu epiphi.

Levitiko 11:16

enthiwatiwa, eddiiddi, akakowa, orive mutundu wa neekhwaambe,

Levitiko 13:10

Mullupa mukutho amuwehesese. Akhalla ni yawiipa yaweella vamwiillini vaye eyo etthattusalle mapururu a vanipuronimvo okhalla aweella nave va yawiipeeyo vakhalla marohi,

Zekariya 14:19

Nngu sika onaakhalle ollaka wa Aiguputo navettho orive mutundu wa athu wooheerana Ehakallallo ya Misasa.