Yohane 3:18 - Mawu a Mulluku

¹⁸ Ayo enakhulupilila mwa Mwaana khaneeruziwa koma oohikhulupilila aheeruziwa khalle kaambiiwa khekikhulupililalle miyaano Mwaana mmoddave a Mulluku.

Yohane 3:18 ပူးပေါင်းရင်းမြစ်များ

1 Yohane 5:10

Sika attheene enakhulupilila mwa Mwaana a Mulluku aakhalla ni omboni yoolla m'murimani mwiwa. Koma ayo ehinamukhulupilila Mulluku ennamweera awoottha kaambiiwa kheyaakhulupililalle omboni wa Mulluku dda Mwanaye

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Aroma 8:1

Vano athu ayo enakhalla mu eyaattano ni Khrisitu Yesu khenna mullatu vamiitthoni va Mulluku.

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

1 Yohane 5:12

Oyo ari ni Mwaana ookhalla ni okumi yoolla koma oyo ahinna Mwaana a Mulluku khanna okumi.

Yohane 3:36

Oyo anamukhulupilila mwaana ookhalla ni okumi woohimalla koma oyo ahinamukhulupilila Mwaana khakhalla ni okumi nave Mulluku khahiya omullaka olliyooyo.

Aroma 5:1

Vawi vano Mulluku aanilungamiha kaambiiwa ninnamukhulupilila, nookhalla vamurendelleni ni Mulluku oweella mwa Apwiihu Yesu Khrisitu.

1 Yohane 4:9

Nave Mulluku ahooniha echikondaaye va hiyaano voomurumihani Mwanaye mmoddave yooyo mu ellapo yavatthi wi nikhalle ni okumi oweella mwa olliyooyo.

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Yohane 20:31

Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.

Yohane 6:47

Ddawoona, kinimuulleellani wi, yooyo anakhulupilila ookhalla ni okumi woohimalla.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

Aheberi 2:3

Vano, ninaavulluwe mwawiidde navevulla yoovullusa yuullupalleella? Apwiya mwaneena sika yaambille ollalleya yoovullusa yeella nave ayo yawiiwalle yaanilleella wi tti ddawoona.

Aheberi 12:25

Chenjerani vano wi muhikhoote omwiiwellella oyo anallota ni nyuwaano. Athu ayo yakhootille omwiiwellellaalle oyo aachenjezilleeye vatthi vaava kheyaavulluwalle. Hiyaano ninaavulluwe mwawiidde nakhoota omwiiwellella oyo anallota ovenyera oddullu.

Yohane 1:12

Koma attheene ayo yamwaakhenlle olliye ahaavaha masiva wi ekhalle anamwani a Mulluku, wa ayo yakhulupililalle nnddina naye.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Aheberi 3:19

Vano nohoona wi kheyaavollowillemo munipuroni mulle kaambiiwa kheyaakhulupililalle.

1 Yohane 3:23

Eyo analamuleeye tti yawi nimukhulupilileke Mwanaye Yesu Khrisitu nave nikondaneke, wonanko mmo aanilamulalleeyettho.