Yohane 3:17 - Mawu a Mulluku

¹⁷ Vawi Mulluku khaamurumalle Mwanaye wa ellapo yavatthi wi ayillake koma wi ayivulluse.

Yohane 3:17 ပူးပေါင်းရင်းမြစ်များ

1 Yohane 4:14

Nave nohoona nave vano niri amboni wi Attiitthiihu yaamurumiha Mwaniwa wi akhalle Oovullusa a ellapo yavatthi.

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Yohane 6:57

Attiitthaaka ookumi aakiruma miyaano nave ekaamba ya alliwa kookhallattho ni okumi emoddamoddave yeeyo oyo anakicha miyaano aneerokhalla ni okumi ekaamba ya miyaano.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Yohane 6:29

Yesu ahaakhulla wi, “Eyo Mulluku anapaalleeye wi mweere tti yawi mumukhulupilileke oyo aamurumalleeye.”

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

1 Yohane 2:2

Nave ddoonanara ddahu ddinnakhululukelliwa oweella mwa Yesu Khrisitu mwaneena nave ohiri machimwaahuve koma ni machimo a arive muthu.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Yohane 11:42

Kinnadduwella wi munnakiiwa miyaano mallapo mattheene koma kinallota ella ekaamba ya athwaalla wi ekhulupilile wi mwaakiruma.”

Yohane 7:29

Koma miyaano kinnamudduwella kaambiiwa kavenyenre wa olliyoolla nave aakiruma.”

Yohane 5:45

Muhiganize wi miyaano kineerewuuvaanyihani vamiitthoni va Attiitthaaka. Mose, oyo munamutiyereenyu, sika anaawuuvaanyiheni.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.

Yohane 10:36

Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku?

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Yohane 5:38

Nave khamunasunga mawiiwa m'murimani mwanyu kaambiiwa khamunakhulupilila mwa oyo aakirumalle.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Luka 9:56

Sika Yesu ni oohudderaaye yaaya m'muzi mmodda.

Yohane 3:34

Vano oyo arumiwe ni Mulluku anallota mawu a Mulluku kaambiiwa Mulluku annamuvaha munepaaye mookwakhwanella.

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Yohane 8:11

Ahaakhulla wi, “Khaavo.” Yesu aallota wi, “Nameenettho nginawiipa mullatu. Rowa koma ohichimwe wiilli.”]

Yohane 17:18

Kahaaruma alliwa mu ellapo yavatthi wonankottho mwaakirumalleenyu mu ellapo yavatthi.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.