Yohane 3:15 - Mawu a Mulluku

¹⁵ wi arive muthu anaakikhulupilile miyaano akhalla ni okumi woohimalla.

Yohane 3:15 ပူးပေါင်းရင်းမြစ်များ

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Yohane 6:40

Vawi opaalla wa Attiitthaaka tti wawi arive muthu oyo anakoona miyaano ni okhulupilila mwa olliyooyo, akhallena okumi woohimalla. Nave va nllapo noomallihella kineerewaavenyiha wa ookhwa.”

Yohane 3:36

Oyo anamukhulupilila mwaana ookhalla ni okumi woohimalla koma oyo ahinamukhulupilila Mwaana khakhalla ni okumi nave Mulluku khahiya omullaka olliyooyo.

Yohane 20:31

Koma nndda ddiri mu nibukhu nenna ddoolembiwa wi mukhulupilile wi Yesu tti Mesiya,* Mwaana a Mulluku nave wi voomukhulupililani olliyooyo mukhallena okumi.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yesaya 45:22

Nyu athu a va ellapo yavatthi, rukunuwellani wa miyaano wi muvulluwe. Valle miyaano sika Mulluku, khaavottho mmodda.

Yohane 6:47

Ddawoona, kinimuulleellani wi, yooyo anakhulupilila ookhalla ni okumi woohimalla.

Yohane 1:12

Koma attheene ayo yamwaakhenlle olliye ahaavaha masiva wi ekhalle anamwani a Mulluku, wa ayo yakhulupililalle nnddina naye.

Yohane 5:24

“Ddawoona, kinimuulleellani wi, oyo aniiwa ni wiiwellella mawaaka nave anakhulupilila mwa yooyo aakirumalle ookhalla ni okumi woohimalla. Yoolla kheeruziwa koma ookhuma khalle wa ookhwa avollowa mu okumi.

Luka 19:10

Mi, Mwaana a Muthu, kawiille wi kiwaashaashe ni waavullusa athu oohollowa.”

Agalatiya 2:16

Nave ninnadduwella wi muthu analungamihiwa ni Mulluku oweella mu echikhulupililove mwa Yesu Khrisitu, ohiri vawiiwellellani malamulo. Sika nookhulupilila mwa Khrisitu Yesu wi neeriwe aphaama ni Mulluku oweella mu echikhulupililo mwa Khrisitu nave ohiri vawiiwellellani malamulo. Vawi khaavo muthu aneeriwa oolungama vawiiwellellani malamulo.

1 Yohane 2:25

Khrisitu aalonjeza onivaha okumi woohimalla.

Aheberi 10:39

Koma hiyaano khanihiyoni athu ayo enahokollweella mutulli ni woonongeya koma niri athu ookhulupilila wi nivulluwe.

Mitteko 8:36

Yavirellelliiwa ni musewooyo, yaaphiya vanipuroni vamodda vookhalla maaddi nave muullupallooyo aallota wi, “Ngoona maaddi, yookihiiha ttiivi wi kihibatiziwe?”

Mariko 16:16

Oyo anaakhulupilile nave abatiziwa aneerovullusiwa koma oyo ahinaakhulupilila aneerollakiwa.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

2 Akorinto 4:3

Vawi othenga waphaama ninallalleyeehu khe wookhuweya koma onakhalla wookhuweya wa ayo ehinavullusiwe.

1 Akorinto 1:18

Othenga wa okhwa wa Khrisitu vamutandani tti wookarangeya wa ayo enaawoonongeye. Koma wa hiyaano ninaavullusiwe ori masiva a Mulluku.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Mitteko 13:41

‘Nyu athu oovevulla! Ttikhinani nave moonongeye! Vawi ollello kineereweera ello emodda yawi khamukhulupilila vawiiwani!’ ”

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Numeri 21:9

Sika Mose aapanga enowa ya mukuwa, ayitthomeya vamuteekhoni. Nave arive muthu allumiwa, aweha enoweeyo, aanakhalla ni okumi.

Yesaya 11:10

Nllapo nenno musisi wa Davide enaakhalle embendera wa athu a mitundu ddittheddene. Attheene eneerotthukumana wa olliye nave nipuro naye ninaakhalle na ntitimiho.

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”