Yohane 3:13 - Mawu a Mulluku

¹³ Khaavo muthu awenlle oddullu koma miyaanove Mwaana a Muthu, sika kakitthalle ovenyera oddullu.”

Yohane 3:13 ပူးပေါင်းရင်းမြစ်များ

Miyambo 30:4

Ttaani awenlle oddullu akitthawo? Ttaani akhunalleke ephevo? Ttaani amakilleke maaddi vakuwoni? Ttaani akeraatthihalle makomihello a ellapo yavatthi? Nnddina naye ttaani? Munnadduwella, mwanaye nnddina naye ttaani?

Yohane 6:38

Vawi ngaakitthalle ovenyera oddullu wi keere opaalla waka koma wi keere opaalla wa oyo aakirumalle miyaano.

Mitteko 2:34

Davide khaawenlle oya oddullu sika khaaddaaka yeekha alloteeye wi, ‘Apwiya yahaalleella apwiyaaka, “Khalla o nnattanatta naka

Yohane 1:18

Khaavo muthu amoonille Mulluku koma mwaana mmoddave oyo arittho Mulluku nave oyo ari a vamurimani vaye sika amuupullullalle.

1 Akorinto 15:47

Adamu awaamba awoopiwa ni ethaya aari avatthimva koma Adamu aneepiilli, Yesu aari ooddullu.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Aroma 10:6

Koma eyo enallotiiwa mu mawu a Mulluku dda okhalla oolungama vamiitthoni va Mulluku oweella mu echikhulupililo tti yawi, “Muhiikohe weekhiinyu wi, ttaani anaawelle oddullu?” (Ottaphullella wi amulleelle Khrisitu wi akitthe).

Yohane 6:62

Muneere tini mwakoona mi Mwaana a Muthu kiwellaka oya wenko kaarimiwo khalle?

Yohane 3:31

Oyo anavenyera oddullu tti oowakhwaranya attheene. Oyo anavenyera va ellapo yavatthi anakhalla a va ellapo yavatthi nave anallota dda ddeko ddaweereya va ellapo yavatthi koma oyo anavenyera oddullu ari ookhwaranya attheene.

Yohane 6:46

Nginallota wi, ookhallavo muthu oyo awoonille Attiitthaaka koma meeneve kavenyenre wa Mulluku sika kiwoonille.

Yohane 6:42

Yaallota wi, “Olliyoolla khahiyo Yesu, mwaana a Yosefe? Ninnaadduwella attiitthinnya ni amennya. Vano anallotella tini wi, ‘Kakitthalle ovenyera oddullu?’ ”

Deuteronomo 30:12

Kheniri oddullu wi ttuukoha wi, ‘Ethiyo ttaani anaawelle oddullu wi anikitthihelle lamulo wi niniiwellelle ni onithwara?’

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Yohane 6:51

Mi tti buledi oovaha okumi, yooyo aakitthalle ovenyera oddullu. Muthu amucha buledi yoolla, aneerokhalla ni okumi woohimalla. Nave buledi oyo kinamuvaheemi wi athu a va ellapo yavatthi ekhalle ni okumi, tti mwiillaaka.”

Yohane 6:33

Vawi buledi anavelleelliwa ni Mulluku tti miyaano kikitthalle ovenyera oddullu nave kinavaha okumi va ellapo yavatthi.”

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Aefeso 1:23

Mpingo tti mwiilli wa Khrisitu, wooddalliwa ni olliye oyo anakwakhwaniha ddeko ddittheddene mwa arive muthu.

Mateyu 8:20

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

Yohane 3:12

Kuulleellani dda ddeko ddaweereya vatthimva khamunakhulupilila, munaakhulupilile mwawiidde kuulleellani ddeko ddaweereya oddullu?