Yohane 21:25 - Mawu a Mulluku

²⁵ Vano vookhallattho ddeko ddimodda ddinchichi nnddo Yesu eerilleeye. Ddaalembiweke ddittheddene emodda emodda, kinaganiza wi ellapo yavatthi ettheene kheyaakhallena nipuro na mabukhu mamodda oolembiwa.

Yohane 21:25 ပူးပေါင်းရင်းမြစ်များ

Masalimo 40:5

Nyu Apwiya Mullukwaaka, mooweerella ddoottikhiniha anchichi, moonikhonzera ddoolinga ddaphaama. Khaavo naari mmodda anaphwanaphwana ni nyuwaano. Keehina killota nave kitthopoolle dda ddenndda, ngiwora weerenga ddittheddene ekaamba ya waata wiiwa.

Masalimo 71:15

Vayanoni vaka vineerollota ddoolungama ddanyu ni dda ovullusa wanyu nllapo nittheene, vawi nginadduwella waata wene.

Yobu 26:14

Nndda tti ddooyevave dda ettilla ddaye, ninniiwa vang'ono dda olliye moonong'ona. Vano ttaani aniiwesese dda ogugudeya wa masivaaye?”

Aheberi 11:32

Ethiyo killote tini vano? Enthawi yooyeva yawi killote dda athu amodda anchichi monga Gideoni, Balaki, Samisoni, Yefita, Davide, Samuele owaakattho anamallotella.

Mitteko 10:38

Munnadduwella dda Yesu a o Nazareti nave wi Mulluku aamuvaha olliye Munepa Waweella owaakattho masiva. Aaya orive weko, weera ddaphaama ni waachiriha attheene ayo yalamuliwa ni masiva a Satana vawi Mulluku aari ni olliye.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Mateyu 11:5

Oohoona ennoona, ooheeta enneeta, athu amakate enneellihiwa, oohiiwa enniiwa, ookhwa ennavenyihiwa navettho othenga waphaama onnallalleyiwa wa athu oohoowa.

Oollalleya 12:12

Mwanaka, chenjera ni erive ello yookhwaranya vaava. Olemba mabukhu khonamalla nave ohuddera wunchichi onnatopiha mwiilli.

Amosi 7:10

O Betele waakhalla mullupa mukutho mmodda nnddina naye Amaziya. Olliye aarumiha othenga wa Yerobowamu, mwene a o Israele wi, “Amosi animuukhozellani echiwembu variyari va athu a o Israele. Athu khewora okhoota ddittheddene nnddo anaalloteeye.

Mateyu 19:24

Kinimuulleellanittho wi tti yavakhuviru wi ekamira* evire vamullakoni va singano ohiyana ni wi muthu eeyuuma avollowe mu omwene wa Mulluku.”

Mariko 5:16

Yoonille ddittheddenaayo yahaalleella athu ddeereye wa muthu ookhalla ni minepa ddoonanarooyo ni dda ekumbannddo.