Yohane 21:19 - Mawu a Mulluku

¹⁹ Voollotani ddenndda, Yesu aadduwanyeyiha dda mmo Petro aneereeye akhwelle moomutitimiha Mulluku. Vano Yesu aamulleella wi, “Kithware!”

Yohane 21:19 ပူးပေါင်းရင်းမြစ်များ

2 Petro 1:14

Kinnadduwella wi kineerokhwa wonanko mmo Apwiihu Yesu Khrisitu yakilleellelliiwa moohikhuwa

Yohane 21:22

Yesu aamwaakhulla wi, “Kapaalla wi olliyoolla ahikhwe ophiyera kihokollowille, weyaano ddenndda orina mutteko tini? Kithware!”

Mateyu 10:38

Oyo ahinatukhulla mutandaaye anakithwara miyaano khanaphwanella okhalla oohudderaaka.

Afilipi 1:20

Ni murimaaka muttheene kinnatiyera nave kinnapaalla wi miyaano kihilephele muttekwaaka muttheene. Koma enthawi ettheene, makamaka vano kikhalle oollipa murima wi kimutitimihe Khrisitu ni mwiillaaka muttheene naari kikhwille apaalle kiri mukumi.

Yohane 12:33

Aallotille nndda wi oonihe mmo anaakhwelleeye.

1 Samuele 12:20

Samuele ahaalleella wi, “Muhoove, ochimwa moochimwa koma muhinahiya waathwara Apwiya. Mwaarumeyelleke ni murimaanyu muttheene.

Yohane 18:32

Ella yaheereya wi mawu a Yesu oollota dda mmo anaakhwelleeye ekwakhwanelle.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Numeri 14:24

Koma ekaamba yawi Kalebe oorumeyellaaka ookhalla ni murima woohiyana ni amodda nave ookithwara ni murimaaye muttheene, kineeromwaakhullella wi avollowe mu ellapo eyo ayizondilleeye. Nave eneerokhalla ya edduullu ddaye naari Aamaleke ni Akanani enakhalla mutapo mwemmo.

Mateyu 8:22

Koma Yesu aallota wi, “Kithware nave waahiye ookhwa yaavittheke ookhwa akhwiiwa.”

Yohane 21:18

Kinimuulleella ddawoona wi waariiwe musombwe, waaniimakella weekhaawo laamba muyuununi mwawo onaya orive weko wapaalleewe. Koma wuulluvalla, oneerowookolla mattaawo wi muthu mmodda uumakelle laamba muyuununi mwawo ni wuukusella nko ohinapaalleewe oyaawo.”