Yohane 21:17 - Mawu a Mulluku

¹⁷ Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yohane 21:17 ပူးပေါင်းရင်းမြစ်များ

Yohane 13:38

Yesu ahaakhulla wi, “We onnapaalla okhwa ekaamba ya miyaano? Kinimuulleella ddawoona wi, mutthupi ohininlle oneerokikhoota oraru.”

Mariko 14:72

Enthawi yeeyo mutthupi wahinlla wiilli nave Petro ahuupuwella Yesu allotilleeye wi, “Mutthupi ohininlle wiilli, onaakhalle okikhootille oraru.” Vano Petro ahaamba winlla.

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Mitteko 15:8

Nave Mulluku oyo anadduwella mirima dda athu attheene, tti mboni wi alliwattho tti oophwanella okhulupilila vawaavahani Munepa Waweella wonanko mmo anivahelleeye hiyaano.

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Yohane 14:15

“Mwaakikondaka miyaano muneerothwara malamulwaaka.

Masalimo 17:3

Naari mweese murimaaka, khaya okiwehesesa mahiiyu, naari mukitthurumelle mwawiidde, khamukiphwanya ni mullatu, vayanoni vaka khavinallota yoonanara.

2 Petro 3:1

Akhwaaka ookondiwa olla vano sika kalata aneepiilli oyo kuulembelleemini. Mu makalata meelli mattheenaalla kaheeseesa ollipiha maganizwaanyu voowuupusani dda ddeko ddenndda.

1 Petro 1:6

Hakallallani ni nnddo Mulluku eerilleeye naari vano mukhallaka ookhupanya enthawi yooyeva ekaamba ya ohoosiwa ni weesiwa woohiyanahiyana.

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

Yohane 18:27

Petro aakhoota wiilli nave enthawi yeeyo mutthupi wahinlla.

Yohane 18:4

Yesu aadduwella ddittheddene ddawa wi ddimweereyelle, sika ahiimella aakoha wi, “Munamwaasha aani?”

Yohane 12:8

Vawi munnakhalla ni athu oohoowa mallapo mattheene koma khamukhalla ni miyaano mallapo mattheene.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Maliro 3:33

Alliwa khenahakallalla omukatamiha apaalle omuhoosa arive muthu.

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Yoswa 22:22

“Mulluku Amasiva Mattheene tti Apwiya. Mulluku Amasiva Mattheene tti Apwiya. Annadduwella nave Aisraele eneerodduwella naarimi naavaanyihaka apaalle naachimwellaka Apwiya

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

2 Samuele 7:20

“Vano mi Davide ttuullota tini wa nyuwaano vawi mookivaha olemu mi oorumeyellaanyu? Vawi munnadduwella phaama dda mi oorumeyellaanyu, nyu Apwiya Mulluku.

Yohane 21:18

Kinimuulleella ddawoona wi waariiwe musombwe, waaniimakella weekhaawo laamba muyuununi mwawo onaya orive weko wapaalleewe. Koma wuulluvalla, oneerowookolla mattaawo wi muthu mmodda uumakelle laamba muyuununi mwawo ni wuukusella nko ohinapaalleewe oyaawo.”

1 Epilli 17:18

Vano mi Davide ttuullota tini wa nyuwaano, vawi mookivaha olemu, oorumeyellaanyu? Vawi munnamudduwella phaama ddene.

Yohane 4:16

Yesu aamulleella wi, “Khawe wamwiithane mamuno nave mwawe attheene wuno.”

Mitteko 11:10

Ella yaheereya oraru nave vano ekuwo ettheeneelle yaakusiwa ehokolloselliwa oddullu.