Yohane 21:15 - Mawu a Mulluku

¹⁵ Nave emanlle ocha, Yesu aamulleella Simoni Petro wi, “Simoni, mwaana a Yohane, onnakikonda miyaano ookhwaranya amoddaalla?” Ahaakhulla wi, “Ee Apwiya, munnadduwella wi kinnuukondani.” Yesu aamulleella wi, “Achiheke anamwanankhosaaka.”

Yohane 21:15 ပူးပေါင်းရင်းမြစ်များ

Aroma 15:1

Hiyaano niri ni echikhulupililo yoollipa ninaphwanella wi naakhurumuwelle oofooka mu echikhulupililo nave woohikhalla wiihakallalliha weekhiihu.

1 Yohane 4:19

Ninnakonda kaambiiwa Mulluku aari awaamba onikonda.

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

1 Petro 1:8

Munnamukonda naari muhimonne nave munnakhulupilila mwa yooyo naari vano muhimonne. Sika munnahakallalla wuullupalli ni murimaanyu muttheene,

Aefeso 6:24

Echisomo ekhalle ni attheene ayo enaakonda Apwiihu Yesu Khrisitu ni echikondi yoohisintheya.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

1 Yohane 5:1

Oyo anakhulupilila wi Yesu tti Mesiya* ayariwe wa Mulluku nave oyo anaakonda Attiitthinnya annamukondattho Mwaana.

Yohane 16:27

vawi Attiitthaaka weekhiiwa ennuukondani nyuwaano. Ennuukondani kaambiiwa munnakikonda miyaano nave munnakhulupilila wi kavenyenre wa Mulluku.

Yeremiya 3:15

Wenko kineerewuuvahani abusa a vamurimani vaka. Eneerewuuhoollellani mweezeru ni mwawiiwesesa.

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

1 Petro 2:25

Nyu mwaari wonanko enkhosa ddoohollowa koma vano moohokollosiwa wi mumuthware Mbusa ni Oowehera a okumaanyu.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Luka 22:32

Koma miyaano kohuuvekella weyaano Simoni wi echikhulupilwaawo ehimalle. Nave warukunuwa murima, waallipiheke murima ookhulupilila akhwaawaalla.”

Aheberi 13:20

Mulluku oovaha murendelle, ahaavenyiha Apwiihu Yesu wa ookhwa. Vano Yesu tti mbusa muullupalli a enkhosa, oyo eerille echipangano yanaanweene yoohimalla oweella mu nikhame naye.

Aroma 14:1

Muthu oofooka mu echikhulupililo, mwaakhelleni nave muhimuvaanyihe maganizwaaye.

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Yeremiya 23:4

Kineeroddihiyera abusa ooddiwehera phaama nave kheddiwa ddoovattho apaalle woopopiheya apaalle ohollowa. Mi Apwiya koollota.”

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

1 Petro 2:2

Mukhalleke wonanko anamwani awaamwa, enthawi ddittheddene mukhalleke ni nthona na mukaka waphaama wa Munepa wi mwawirya muneerewunnuwa nave muneerovullusiwa.

Agalatiya 5:6

Vawi nakhalla mu eyaattano ni Khrisitu Yesu, ophaddiwa naari ohiphaddiwa khonna mutteko; yoopaalleya tti echikhulupililo eyo enaphara mutteko oyeella mu echikondi.

Yohane 21:12

Yesu ahaalleella wi, “Waawoni muche.” Nave khaavo mmodda a oohudderaaye allipalle murima omukoha olliyooyo wi, “Nyu ttaani?” Yaadduwella wi yaari Apwiya.

Yohane 21:7

Oohuddera olle Yesu amukondilleeye aamulleella Petro wi, “Tti Apwiya!” Vano Simoni Petro iiwalleeye wi yaari Apwiya aawara yawiikhuneellaaye kaambiiwa khaawarille phaama nave aalluphella mu enyanja.

Mateyu 18:10

“Chenjerani wi muhimuvevulle mmodda a ang'onong'onwaalla. Vawi kinimuulleellani wi angelwiiwa ooddullu eri vamiitthoni va Attiitthaaka enthawi ddittheddene.

Aefeso 4:14

Neera ddiiddo khanikhallattho wonanko anamwani ookusiwa ni mafunde ni oovavihiwa ni ephevo yooyeella nngu ni nngu ya ddoohuddiha dda athu awoottha, ayo enaahollosa amodda vawallekani.

1 Akorinto 8:11

Sika vano ekaamba ya ezeru ddawo muthu oofooka yoolla, mwanamunno apaalle murokoriyo oyo Khrisitu amukhwenlleeye aneerewoonongiwa.

Yohane 8:42

Yesu aallota wi, “Mulluku akhanlleke Attiitthaanyu, mwaawerokikonda miyaano kaambiiwa kaavenyenre wa Mulluku vano kiri wuno. Miyaano ngaawiille mwa olamulello wa meekhaaka koma Mulluku sika aakirumalle.

Mariko 14:29

Petro aallota wi, “Naari amodda yuuhiyeni, miyaano nguuhiyani.”

Luka 12:32

“Muhoove, nyuwaano ayo muri wonanko mulloko wa enkhosa ddooweerengeya vawi Attiitthaanyu yaakonda wi yuuvaheni omweniiwa.

Genesis 33:13

Yakobo ahaakhulla wi, “Apwiyaaka, munnadduwella wi anamwanaalla aatopa nave kinaphwanellattho oddipwatha eziweto ddiri ni anamwaninndda. Kaddittottha mwawaakuva wunchichi naari nllapo nimoddave, ddineerokhwa.

Mateyu 10:37

“Oyo anaakonda attiitthinnya apaalle amennya ohiyana ni miyaano khanaphwanella okhalla oohudderaaka, oyo anamukonda mwanaye aamullopwana apaalle mwanaye aamutthiyana ohiyana ni miyaano khanaphwanella okhalla oohudderaaka.

2 Mamwene 20:3

“Nyu Apwiya, upuwellani wi kaanuurumeyellani moororomelleya ni mwawiivelleella nave kaaneera ddawuuddivellani.” Eerille ddiiddo ahaamba winlla moovoreyiwa murima.

2 Samuele 7:20

“Vano mi Davide ttuullota tini wa nyuwaano vawi mookivaha olemu mi oorumeyellaanyu? Vawi munnadduwella phaama dda mi oorumeyellaanyu, nyu Apwiya Mulluku.

Yohane 13:37

Petro aallota wi, “Apwiya, ngiwora wuuthwarani nyuwaano vano kaambiiwa tini? Miyaano kinnapaalla okhwa ekaamba ya nyuwaano.”

Yohane 1:42

Eerille ddiiddo aamukusella Simoni wa Yesu. Yesu aamuweha allota wi, “We tti Simoni, mwaana a Yohane koma oneeroromolliwa Kefa.” (Petro ottaphullella nlluku.)

Mateyu 26:35

Petro ahaakhulla wi, “Naari ori woophwanella miyaano okhwa ni nyuwaano, nguukhootani.” Nave oohuddera attheenaayo yaallota ello emoddamoddave yeella.

Mateyu 26:33

Petro aallota wi, “Naari amodda yuuhiyeni, miyaano nguuhiyani.”

Mitteko 20:29

Kinnadduwella wi kavira, oneeroowa enama ddamuhakani ddawoopiha variyari vanyu nave ddineerewoononga mpingooyo.

Ezekiele 46:24

Vano aakilleella wi, “Ddenndda sika ezipinda ddawaapeyellamo, nko oorumeyella mu enyumba ya Apwiya enaawapeyekemwiiwa enama dda mikutho dda athu.”