Yohane 20:22 - Mawu a Mulluku

²² Nave allotilleeye ddenndda ahaaviddeellella allota wi, “Akhellani Munepa Waweella.

Yohane 20:22 ပူးပေါင်းရင်းမြစ်များ

Yobu 33:4

Munepa a Mulluku ookiphatusa miyaano, mpweya wa Amasiva Mattheene onnakivaha okumi.

Genesis 2:7

Sika vano Apwiya Mulluku yaakusa ethaya ovenyera vatthi nave emoopa muthu ni ethayeeyo. Yaamuviddeellella mphunani mpweya woovaha okumi nave muthooyo aakhalla ni okumi.

Mitteko 19:2

Nave ahaakoha wi, “Ethiyo mwahaakhella Munepa Waweella mwakhulupililalleenyu?” Athwaalle yaamwaakhulla wi, “Naari wawi wookhalla Munepa Waweella khanniiweke.”

Mitteko 8:15

Yaphiyalliiwa, yahaavekella ookhulupililaayo wi yaakhelle Munepa Waweella.

Mitteko 2:38

Nave Petro aallota wi, “Arive muthu a nyuwaano arukunuwe murima nave abatiziwe mu nnddina na Yesu Khrisitu wi machimwaaye ekhululukiwe nave aneerewaakhella emphaso ya Mulluku, Munepa Waweella.

Ezekiele 37:9

“Vano Apwiya yaakilleella wi, ‘We mwaana a muthu, llotella nave olleelle mpweya mawu a mi Apwiya Mulluku wi we mpweya, ngawa wuno ovenyera o embali ddisese ddittheddene, ovollowe mwa athu awiiphiwaalla wi ekhallettho akumi.’

Masalimo 33:6

Oddullu waaphatusiwa ni mawu a Apwiya, nndduwa, mweeri ni etheneeri ddaaphatusiwa ni mpweyiiwa.

Mitteko 2:4

Attheenaayo yaaddalliwa ni Munepa Waweella nave yahaamba ollota ellotello ddoohidduwanyeya* kaambiiwa Munepooyo waaweeriha wi ewore ollota mwawi ddiiddo.

Yohane 7:39

Yesu alloteeye ddenndda allota dda Munepa oyo ookhulupilila mwa olliyooyo eneeriiwa yaakhelle. Va enthawi yeeyo Munepa Waweellooyo waari ohinavahiwe kaambiiwa Yesu aari ahinatitimihiwe.

Agalatiya 3:2

Killeelleni ello emodda ella. Ethiyo mwahaakhella Munepa a Mulluku vawiiwellellani malamulo apaalle vookhulupililani othenga waphaama mwiiwalleenyooyo?

Mitteko 4:8

Vano Petro, ahoollelliwe ni Munepa Waweella, aawaakhulla wi, “Oohoollella a athu ni attekweene,

Mitteko 10:47

“Athwaalla ahaakhella Munepa Waweella wonanko hiyaano. Vano khaavo muthu oyo anaahiihe wi ebatiziwe ni maaddi”

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yohane 14:16

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla.

Yohane 16:7

Ddawoona, kinimuulleellani wi tti waphaama wa nyuwaano wi miyaano kinimarowa. Vawi kaahirowa Ookavihera khawa wa nyuwaano. Koma miyaano karowa, kineeromurumiha wa nyuwaano.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Yohane 20:23

Mwakhululuka machimo a athu eneerokhululukiwa nave mwaahikhululuka machimwaayo khewa ekhululukiwa.”