Yohane 20:19 - Mawu a Mulluku

¹⁹ Misikuwa a nllapo nenno, Nllapo Namulungu, oohudderaalle yaatthukumana vamodda. Yaawalla machiwi kaambiiwa yawoova Ayuda. Vano Yesu aawa iimella variyari viwa allota wi, “Murendelle okhalle ni nyuwaano.”

Yohane 20:19 ပူးပေါင်းရင်းမြစ်များ

Yohane 20:26

Nave viviralle mallapo matthanu ni mararu, oohudderaalle yaarittho mpa mulle nave Tomasi aari vamodda ni yaayo. Machiwi eri oowallawalleene Yesu aawa iimella variyari viwa allota wi, “Murendelle okhalle ni nyuwaano.”

Yohane 14:27

“Kinuuhiyerani nyuwaano murendelle; murendellaaka kinuuvaheemini. Nginuuvahani nyuwaano wonanko mmo ellapo yavatthi enavahelliiwa. Sika muhikhupanyeke navettho muhooveke.

Yohane 20:21

Yesu aallota wiilli wi, “Murendelle okhalle ni nyuwaano. Miyaano kinuurumani nyuwaano wonanko mmo Attiitthaaka yaakirumalliiwa miyaano.”

Aefeso 2:14

Vawi Khrisitu sika murendellaahu ahaapweserera Ayuda ni athu ayo ehiri Ayuda wi ekhalle athu amodda. Voovelleellani mwiillaaye aakumulla esiri eyo yawiitanihalle alliwaayo.

2 Atesalonika 3:16

Ninaaveka Apwiya amurendelle yuuvaheni murendellooyo enthawi ddittheddene ni mutthemwene. Apwiya ekhalle ni nyuwaano attheene.

Yohane 7:13

Koma khaavo muthu aallotille dda olliye mwawooneya ekaamba yoowoova attekweene a Ayuda.

Mariko 16:14

Vatulli viwa ahooneya wa oohuddera khumi ni mmoddaayo mvo yachiiwa. Ahaahumullulla ekaamba yoohikhulupilila ni wumma murima wiwa voohaakhulupililani ayo yamonne avenyille wa ookhwa.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

1 Akorinto 15:5

wi ahooneya wa Petro nave eerille ddiiddo ahooneya wa oohuddera khumi ni eelli attheene.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Aheberi 7:2

Nave Abrahamu aavelleella wa Melkizedekooyo yaneekhumi ya ddeko ddittheddene aakhilleeye okhotoninko (Ottaphullella wawaamba wa nnddina na Melkizedekinna tti wawi, “Mwene Oolungama” nave kaambiiwa aari mwene a o Salemu, nnddina nayenna ninattaphullellattho wi, “Mwene amurendelle”.)

Afilipi 1:2

Echisomo ni murendelle ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Aefeso 6:23

Asinnaka ni arokoraka, murendelle, echikondi ni echikhulupililo ddoovenyera wa Mulluku Attiitthiihu ni Apwiya Yesu Khrisitu ddikhalle ni nyuwaano.

Aroma 15:33

Mulluku oyo ananivaha murendelle akhalle ni nyuwaano attheene. Amen.

Yohane 16:22

Vano nyuwaano munnakhupanya koma kineerowoonanittho nave mirima ddanyu ddineeroddalla ni ohakallalla. Nave khaavo anawaakheni ohakallalla wanyunko.

Mateyu 18:20

Vawi eelli naari araru yawa etthukumana ekaamba yawi tti oohudderaaka, miyaano kiri wenko variyari viwa.”

Mateyu 10:13

Athu a mpammo yawaakhellani phaama, ekhallekena murendellaanyu. Koma yaahiwaakhellani phaama murendellaanyooyo ohokollweelle wa nyuwaano.

Masalimo 122:8

Ekaamba ya abalaaka ni akhwaaka kineerollota wi, “Murendelle okhalle muwari mwawo.”

Yohane 21:1

Ddimallille nndda Yesu ahooneyattho wa oohudderaaye o enyanja ya Tiberiya. Ddeereyille mwawi ddiidda:

Yohane 21:14

Yeeyo yaari enthawi yaneeraru avenyilleeye wa ookhwa wi Yesu ooneye wa oohudderaalle.

Mitteko 1:3

Mwa mallapo 40 vatulli va ohoosiwa ni wiiphiwa waye, ahooniha mu ettilla ddoohiyanahiyana wi aavenyihiwa wa ookhwa. Aaddoonihella wa alliwaayo navettho aallota wiilliwiilli dda omwene wa Mulluku.

3 Yohane 1:14

Kinnatiyera owoona veneva nave vano nineerokambirana vamiitthoni ni vamiitthoni.