Yohane 20:17 - Mawu a Mulluku

¹⁷ Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yohane 20:17 ပူးပေါင်းရင်းမြစ်များ

Yohane 16:28

Kaavenyera wa Attiitthaaka oya mu ellapo yavatthi nave vano kinimavenyamo mu ellapo yavatthi ohokollweella wa Attiitthaaka.”

1 Petro 1:3

Nimuthokoze Mulluku Attiitthiiwa a Apwiihu Yesu Khrisitu! Ekaamba ya echifundwaaye yuullupalli aanivaha okumi wanaanweene ni otiyerella wookumi voomuvenyihani Yesu Khrisitu wa ookhwa.

Agalatiya 3:26

Mu eyaattano ni Khrisitu Yesu, attheenenyu tti anamwani a Mulluku oweella mu echikhulupililo.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

1 Yohane 3:2

Akhwaaka ookondiwa, vano hiyaano tti anamwani a Mulluku koma khenadduwanyeya eyo ninaakhalleehu. Koma ninnadduwella wi Khrisitu ooneya, ninaakhalle oophwanaphwana ni olliye kaambiiwa ninaamoone wonanko mmo ariiye.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Mariko 16:19

Apwiya Yesu yamanlliiwa ollotanko, yaawellihiwa oya oddullu yakeraatthi o nnattanatta na Mulluku.

Masalimo 68:18

Nyuwaano mwaawella oddullu, mwahaaphara athu anchichi monga amundende, mwahaakhella emphaso wa athu, naari wa athu oowukila, wi mwakhallekena wenko, nyu Apwiya Mulluku.

Yawuupullulla 21:3

Kahiiwa mawu oowella ellotiwaka ovenyera o mpando woomwene awi, “Vano enyumba ya Mulluku eri variyari va athu! Aneerokhalla ni athwaayo navettho eneerokhalla athwaaye. Mulluku aneerokhallana vamodda nave aneerokhalla Mullukwiiwa.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

Aroma 8:29

Athu ayo Mulluku aatthoonlleeye khalle, aaweera wi ekhalle wonanko Mwanaye wi Mwaanooyo akhalle awaamba mu nibanja nuullupalli.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Mateyu 28:7

Akuvani veneva muye wa oohudderaaye mwaalleelle wi, ‘Oovenyihiwa wa ookhwa nave ari muhoollo mwanyu oya o Galileya. Muneeromoona wenko.’ Ella sika kaweelleemi wi kuulleelleni.”

Mateyu 12:50

Oyo aneera ddoopaalla dda Attiitthaaka ooddullu sika mwanamunnaka, murokoraka ni amoowaaka.”

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Yohane 17:5

“Vano Attiitthaaka, kititimiheni miyaano vamiitthoni vanyu ni ntitimiho nenno kaariimi ni nyuwaano ehinaphatusiwe ellapo yavatthi.

Yohane 14:28

Mwaakiiwa killotaka wa nyuwaano wi, ‘Kinimarowa nave kineerohokollowa wa nyuwaano.’ Mwaakikondilleke, mwaawerohakallalla wi kinaya wa Attiitthaaka vawi Attiitthaakaayo tti uullupalli ohiyana ni miyaano.

Yohane 14:2

Mpa mwa Attiitthaaka mookhalla ezipinda ddinchichi nave kinaya wawuukhozerani nipuro. Ddahaariki ddiiddo keerewuulleellani.

Yohane 13:3

Yesu aadduwella wi Attiitthinnya yaamuvaha olamulello wa ddeko ddittheddene. Nave aadduwellattho wi avenyenre wa Mulluku nave anahokollweella wa Mulluku.

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 7:33

Yesu aallota wi, “Kinaakhalle ni nyuwaano o enthawi yooyeva nave vano kineerohokollweella wa yooyo aakirumalle.

Luka 10:4

Muhikuse makobiri apaalle nthumba na voolendoni apaalle esapato nave muhiimelle va ettilla wi mumuvahe muthu mooni.

Ezekiele 37:27

Enyumbaaka eneerokhalla variyari viwa. Miyaano kineerokhalla Mullukwiiwa nave alliwa eneerokhalla athwaaka.

Ezekiele 36:28

Muneerokhalla mu ellapo eyo kaavahilleemi makhollwaanyu. Muneerokhalla athwaaka nave miyaano kineerokhalla Mullukwaanyu.

Yeremiya 32:38

Enaakhalle athwaaka nave miyaano kinaakhalle Mullukwiiwa.

Yeremiya 31:33

Koma echipangano eyo kakeraatthihalleemi ni Aisraele attheene emanlle mallapo yaayo tti yawi kineerohiya malamulwaaka mwa alliwa nave kinaalembe m'murimani mwiwa. Vano miyaano kinaakhalle Mullukwiiwa nave alliwa enaakhalle athwaaka.

Masalimo 89:26

Olliye aneerokilleella wi, ‘Nyuwaano tti attiitthaaka, Mullukwaaka.’ Nyuwaano tti nlluku naka, oovullusaaka.

2 Mamwene 7:9

Sika yahaamba otakhellana wi, “Nineereehunndda khe ddaphaama. Ollello sika nllapo na othenga waphaama. Neera ellapo tuu ophiyera osiisello nineerollakiwa. Sika vano hankoni nalleelle enduna dda mwene.”

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Masalimo 48:14

“Mullukwaahu tti awi ddiidda, tti Mullukwaahu waambeella enthawi yoohimalla, tti oohoollellaahu wa enthawi yoohimalla.”

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

2 Mamwene 4:29

Elisha aamulleella Gehazi wi, “Mmakelle laambaawo muyuunoni, akuva nave kusa ekopwaaka oyeewo. Wakumana ni arive muthu muttilla, ohimuvahe mooni nave mmodda uuvaha mooni ohimwaakhulle. Vano wahiye ekopwaakeella veekhoveni ya mwaanooyo.”

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Mariko 12:26

Vano dda ovenya wa ookhwa, khamweerengille mu nibukhu na Mose dda makukhu yakhara munllo mvo Mulluku allotilleeye ni Mose wi, ‘Miyaano kiri Mulluku a makhollwaanyu, Mulluku a Abrahamu, Mulluku a Isaki ni Mulluku a Yakobo.’