Yohane 2:2 - Mawu a Mulluku

² Navettho Yesu ni oohudderaaye yahiithaniwa wuukwatininko.

Yohane 2:2 ပူးပေါင်းရင်းမြစ်များ

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

1 Akorinto 7:39

Mutthiyana ootthelliwa anakhalla oomakiwa mamune akhalla ari mukumi; nave mamune akhwa, sika oottaphuwa wi atthelliwe ni mullopwana mmodda anamupaalleeye, mullopwanooyo akhalle ookhulupilila.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Mateyu 25:45

Miyaano kineerewaakhulla wi, ‘Ddawoona, kinimuulleellani wi ekaamba yawi mwaakhoota omurumeyella mmodda a ang'onong'onwaalla mwaakhoota okirumeyella miyaano.’

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 12:19

Khakangana ni muthu apaalle okhuwa, mawaaye kheyiiweya m'musewuni.

Yawuupullulla 3:20

Ngoonani, kiimenlle vamullakoni nave kinnookotha. Muthu iiwa mawaaka nave ahulla nchiwi, kineerovollowa kichena vamodda.

Yohane 2:3

Vinyo amanlleeye, amennya a Yesu yaallota wa olliyooyo wi, “Vinyo ohaamallella.”

Yohane 2:12

Ddimallille nndda, Yesu, amennya, asinne ni oohudderaaye yaaya o etawoni ya Kaperenao nko yakhallilliiwawo mallapo ooyeva.

Yohane 2:17

Vano oohudderaaye yahuupuwella wi mawu a Mulluku enallota wi, “Echikondaaka va enyumbaanyu oneerokoononga miyaano.”

Yohane 2:22

Sika avenyihiweeye wa ookhwa, oohudderaaye yahuupuwella wi aallota yeella nave yaakhulupilila mawu a Mulluku ni nnddo aallotille Yesu.

Yohane 3:22

Ddimallille nndda Yesu ni oohudderaaye yaaya o echigawo ya Yudeya. Wenko aakhallawo ni alliwaayo wa milungu ddooyeva nave aanabatiza.

Yohane 4:2

(Naari Yesu ahimubatizalle arive muthu koma oohudderaaye sika yaabatiza.)

Yohane 4:8

(Oohudderaaye yaari ekelle o etawoni wookulla yoocha.)

Yohane 4:33

Sika oohudderaalle yahaamba okohana wi, “Ethiyo ookhallavo mmodda awinnyalle yoocha wi eche?”

Yohane 6:8

Mmodda a oohudderaaye, Andreya, mwanamunne a Simoni Petro aallota wi,

Yohane 6:12

Nave attheene evonne, ahaalleella oohudderaaye wi, “Tthukumanihani ddoohalla wi vihikhalle ello yootathilliwa.”

Yohane 6:16

Voophiyani misikuwa, oohuddera a Yesu yaakitthella o enyanja.

Yohane 6:60

Anchichi a oohudderaaye yahiiwa ddenndda nave yaanallota wi, “Ehuddiho yeella tti yookatamiha. Anaayiiwesese ttaani?”

Yohane 6:66

Ekaamba ya yeella, anchichi a oohuddera a Yesu yaahiya omuthwara.

Yohane 6:67

Sika ahaakoha oohuddera khumi ni eellaalle wi, “Nanyeenettho munapaalla okihiya miyaano?”

Yohane 6:70

Yesu ahaakhulla wi, “Kahuutthoollani nyuwaano khumi ni eelli, khe ddiiddo? Koma mmodda a nyuwaano tti Satana!”

Yohane 6:71

Amwaaka Yudasi, mwaana a Simoni Isikariyoti. Vawi Yudasi sika anamuvelleella wi iiphiwe naari aari mmodda a oohuddera khumi ni eellaalle.

Yohane 7:3

Sika asinne a Yesu yaamulleella wi, “Venyaniwoni wuno muye o Yudeya wi oohudderaanyu ni alliwattho yoone mitteko ddanyu nnddo muneereenyu.

Mitteko 11:26

Amuphwanyilleeye, aamukusella o Antiyokeya nave wa muyakha muttheene yaakumana ni mpingo ni ohuddiha mulloko wa athu muullupalli. Waari o Antiyokeya nko ookhulupilila yaambilliiwa oromolliwa wi akhrisitu.

Mitteko 11:29

Sika oohuddera yahiiwanana wi tti waphaama wi erumiheke ddeko ddawaakavihera ookhulupilila akhwiiwa o Yudeya moollikana ni eyuumiiwa.