Yohane 2:11 - Mawu a Mulluku

¹¹ Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Yohane 2:11 ပူးပေါင်းရင်းမြစ်များ

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 3:2

Nave aawa wa Yesu mahiiyu nave aallota wa yooyo wi, “Ahuddihi, ninnadduwella wi nyuwaano tti muhuddihi oorumihiwa ni Mulluku. Khaavo muthu anawora weera ddoottikhiniha muneereenyu Mulluku aahikhalla ni olliye.”

Yohane 6:2

Nave mulloko wa athu muullupalli waamuthwara kaambiiwa yahoona ddoottikhiniha ddaye ddoowaachiriha oovoriiwa.

Yohane 6:30

Sika yahaakhulla wi, “Muneere ddoottikhiniha ddawi tini wi noone ni wuukhulupililani? Muneere tini?

Yohane 6:26

Yesu ahaakhulla wi, “Ddawoona, kinimuulleellani wi, munakaasha miyaano kaambiiwa mwaamucha buledi nave muvona, ohiri kaambiiwa mwahoona ddoottikhiniha ddaka.

Yohane 6:14

Athu yoonilliiwa ddoottikhiniha Yesu eerilleeye, yaallota wi, “Ddawoona yoolla tti namallotella oyo anaawe mu ellapo yavatthi!”

Yesaya 40:5

Vano ntitimiho na Apwiya nineerewooneya, athu attheene eneerewoona, vawi Apwiya sika ellotille ddenndda ni eyanwiiwa.”

2 Akorinto 4:17

Nave ddookatamiha dding'onong'ono ninooneehu mvanndda ddineeroniphwanyella ntitimiho nuullupalli ni noohimalla, nookhwaranya ddookatahihannddo.

Yohane 14:13

Nave erive ello munaavekekeenyu mu nnddina naka kineereweera sika wi ntitimiho na Attiitthaaka nineerewooneya mwa miyaano, Mwaana.

Yohane 12:41

Yesaya aallotille ddenndda kaambiiwa ahoona ntitimiho na Yesu nave allotella dda olliyooyo.

Yohane 12:37

Naari enre ddoottikhiniha ddinchichi wa athwaayo, kheyaamukhulupililalle olliyooyo,

Yohane 2:23

Yesu aariiye mu Yerusalemu enthawi ya Ehakallallo ya Paska, anchichi yaakhulupilila mwa olliyooyo yoonilliiwa ddoottikhiniha eerilleeye.

Yohane 1:50

Yesu aallota wi, “Onakhulupilila kaambiiwa kahuulleella wi kaawoona weyaano vatthi va muteekho wanamukuyu? Oneerewoona ddeko dduullupalli ddookhwaranya ddenndda!”

Masalimo 96:3

Llalleyani dda ntitimiho niwa wa athu a mitundu ddittheddene. Tthopoollani dda ddoottikhiniha ddiwa wa athu a ellapo ddittheddene.

1 Yohane 5:13

Kinuulembellani nyuwaano yeella wi mudduwelle wi mookhalla ni okumi woohimalla nyu munamukhulupilila Mwaana a Mulluku.

Yohane 4:46

Vano Yesu aahokollweella o Kana mu Galileya nko khalle aatthattusalleeye maaddi okhalla vinyo. Wenko waakhalla muttekweene a o boma o Kaperenao nave mwanaye aamullopwana aanavoriiwa.

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Oollalleya 9:7

Vano khawe wache yoochaawo moohakallalla nave wamuwirye vinywaawo ni murima woohakallalla vawi Mulluku ohaakhullella khalle ddaweera ddawonnddo.

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Deuteronomo 5:24

ellota wi, ‘Apwiya Mullukwaahu yaanooniha ottekweeniiwa ni ntitimiho niwa nave naawiiwa ellotaka eri m'munlloni. Sika ollello nohoona wi muthu ttuukhallave ni okumi naari Mulluku allotille ni olliye.

Eksodo 4:9

Koma yaahikhulupilila ezizindikiro piilliddenennddo, ehinawiiwellella, wakuse maaddi a m'muhinjeni wa Nailo owiithelle vamutundani. Vano maaddi a vamutundanaayo eneerotthattuwa nikhame.”

2 Akorinto 4:6

Mulluku aallotille wi, “Owala omolleelle ovenyera mwiipiphini.” Tti Mulluku mmoddamoddave yooyo enre owala waye wi omolleelle m'mirimani mwahu wi onivahe odduwella dda ntitimiho na Mulluku noomolleella va ekhove ya Khrisitu.

2 Akorinto 3:18

Hiyaano attheene ninnoona ntitimiho na Apwiya nihikhunenlle ekhove ddahu. Munepa wa Apwiya annanitthattusa wi niphwanaphwane ni olliyooyo okhalla ni ntitimiho nawunnuwa.

Yohane 11:15

Nave kinnahakallalla wi miyaano ngaariwo wenko sika muneerokhulupilila. Vano hankoni niye wa olliyooyo.”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Eksodo 14:31

Yahoona masiva muullupalli ayo Apwiya yoonihalliiwa vawaagonjihani Aiguputwaalle. Sika yahaamba owoova Apwiya nave yaanaakhulupilila Apwiyaayo ni Mose oorumeyelliiwa.

1 Mamwene 17:24

Nave mutthiyanoolle aamwaakhulla Eliya wi, “Vano kinnadduwella wi nyuwaano tti muthu a Mulluku navettho wi Apwiya ennallota oweella mwa nyuwaano.”

Yohane 1:43

Osaka wene Yesu aapaalla oya o echigawo ya Galileya. Aamuphwanya Filipo,* amulleella wi, “Kithware!”

Yohane 2:1

Viviralle mallapo meelli waakhalla machellello a okwati mu etawoni ya Kana o echigawo ya Galileya. Amennya a Yesu yaari wenko.

Yohane 4:3

Sika Yesu iiwalleeye dda Afarisinnddo aavenyawo o echigawo ya Yudeya ahokollweella o echigawo ya Galileya.

Yohane 4:54

Ella sika yoottikhiniha yaneepiilli Yesu eerilleeye aphiyalle mu Galileya ovenyera o Yudeya.

Yohane 7:31

Nave anchichi yaamukhulupilila ellota wi, “Ethiyo Mesiya ninamutiyerehooyo, aneereweera ddoottikhiniha ddinchichi omukhwaranya muthu yoolla?”

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.

Yohane 10:41

Nave athu anchichi yaawa wa olliye enallota muthu ni mukhwaaye wi, “Yohane khenre erive yoottikhiniha koma erive ello aallotilleeye dda yoolla yaari yawoona.”

Yohane 11:47

Sika allupa mukutho uullupalli ni Afarisi yahiithaniha mutthukumano wa attekweene a millatu a Ayuda,* ellota wi, “Nineere tini hiyaano? Vawi muthoolla anneera ddoottikhiniha ddinchichi.

Yohane 12:18

Ella sika ekaambiiwa athwaayo yawiilliiwa woomuchingamella vawi yahiiwa wi olliye aheera yoottikhiniha yeella.

Yohane 16:27

vawi Attiitthaaka weekhiiwa ennuukondani nyuwaano. Ennuukondani kaambiiwa munnakikonda miyaano nave munnakhulupilila wi kavenyenre wa Mulluku.

Yohane 16:30

Vano ninnadduwella wi munnadduwella ddittheddene nave khamunapaalla wi mmodda uukoheni makoho. Mwa ella ninnakhulupilila wi mwaavenyenre wa Mulluku.”