Yohane 19:39 - Mawu a Mulluku

³⁹ Nave Nikodemo, olle oonanne khalle ni Yesu mahiiyu aawattho. Aawaana makhura a nthuko naphaama a mure* oottakanyihera ni aloe,* ollemella wene vakhuviru makilogaramu 30.

Yohane 19:39 ပူးပေါင်းရင်းမြစ်များ

Nchipo na Solomoni 4:14

Wookhalla miteekho ni makukhu oohiyanahiyana, oopotokosella ddawunkhellesesa.

Yohane 12:7

Yesu aallota wi, “Muhiyeni yooyo, aasunga makhura yaalla okhozekella va nllapo na ovitthiwa waka.

Mariko 16:1

Niviralle nllapo na Sabata, Mariya Magadalena ni Mariya, amennya a Yakobo navettho Salome yaakulla makhura a nthuko naphaama wi yazoze mutembo wa Yesu.

Mateyu 19:30

Nave anchichi ayo eri awaamba eneerokhalla ookomihera nave ayo eri ookomihera eneerokhalla awaamba.”

Mateyu 12:20

Khawa inttaka epango yookhoromana, naari othiimiha enyali yoothuwa, ophiyera eerihalle echilungamo wi egonjihe ddeko ddittheddene.

Nchipo na Solomoni 4:6

Ophiyera ohinase, epiphi ethawille, kithamakella mwaango wa mure,* ni mutunda wa lubani.*

Miyambo 7:17

Koomiddavo makhura awunkhella phaama a mure,* aloe* ni sinamoni.

Masalimo 45:8

Ddoowara ddanyu ddinnuunkhella makhura a mure,* a aloe* ni a kasiya, enyumba ddanyu ddoomwene tti ddoomakiwa ni manyaka a ethepo, mwemmo ddawiipa dda enthambo ddinnuuhakallallihani.

2 Epilli 16:14

Yamuvitthalle m'mahame ayo iisemelleeye mu muzinda wa Davide. Mutembwaaye yawukonaatthihalle mu nibokosi mmo mwaari ddawunkhella ddoohiyanahiyana nnddo ddapangiwe ni athu eeruso. Vano yaaviddeella munllo wawoopiha omuvaha olemu.

Genesis 50:2

Nave Yosefe aalamula wi mutembo wa attiitthinnya opotokosiwe wi ohunte nave alliwaayo yaheera ddenndda.

Nchipo na Solomoni 1:13

Ookondiwaaka kinamoona wonanko nthumba na mure,* aakonaka variyari va mapellaaka.

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

Yohane 12:3

Vano Mariya aakusa makhura a nthuko naphaama oowallamella mutengo oopangiwa ovenyera o ddoomella ddooromolliwa narido ookwakhwana hafu lita. Aazoza manyallo a Yesu ni waapukuta ni meehaaye. Nthuko nawunkhella na makhura yaayo naaddalla mpa mutthemwene.