Yohane 19:36 - Mawu a Mulluku

³⁶ Nndda ddaheereya wi mawu a Mulluku ekwakhwanihiwe awi, “Naari nikhuva naye nimodda khaniwa ninttakiwa.”

Yohane 19:36 ပူးပေါင်းရင်းမြစ်များ

Masalimo 34:20

Apwiya ennasunga miilli dda athwaayo, khaniivo nikhuva ninapweseya.

Numeri 9:12

Ahinahiyavo erive ello ya enameeyo ophiyera ohinase apaalle opwesa makhuviiwa. Eereke Ehakallallo ya Paska moollikana ni malamulwiiwa mattheene.

Eksodo 12:46

Mumuchelleke mu enyumba eyo akhozelliweeyemo, muhikhumekena vaatte enameeyo nave muhipweseke makhuviiwa.

Masalimo 22:14

Okumaaka wootathiya wonanko maaddi, makhuvaaka mattheene aheengereya, murimaaka tti wonanko nimphora nittotthowille.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Mateyu 1:22

Ddittheddenndda ddeereyille wi ddikwakhwanelle nnddo yallotille Apwiya mwa namallotella wi,

Masalimo 35:10

Kineerohakallalla ni murima muttheene kineerollota wi, “Ttaani anaaphwanaphwane ni nyu Apwiya, nyu munamuvullusa oofooka wa muthu amasiva manchichi, nyu munamuvullusa oohoowa wa muthu oomwiiyera.

Yohane 19:24

Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

2 Mamwene 15:12

Nndda sika Apwiya yamulonjezilliiwa Yehu wi, “Edduullu ddawo ddineerewaalamulella Aisraele ophiyera mbado waneesese.” Nave ddaheereya mwawi ddiiddo.