Yohane 19:34 - Mawu a Mulluku

³⁴ Nave mmodda a akhotwaayo aahoma epararu ya Yesu ni nivaka nave enthawi yeeyo mwaakhuma nikhame ni maaddi.

Yohane 19:34 ပူးပေါင်းရင်းမြစ်များ

1 Yohane 5:6

Yesu Khrisitu sika aawiille ni maaddi a obatizwaaye ni nikhame na okhwa waye. Khaawiille ni maaddive koma ni maaddi ni nikhame. Nave Munepa Waweella yeekhaaye annavelleella omboni wi nndda tti ddawoona kaambiiwa Munepooyo tti awoona.

Zekariya 12:10

“Vano athu a nibanja na Davide ni attheene a o Yerusalemu kineerewaakawella murima wooddalla ni echifundo ni woovekella. Sika yamuweha oyo yamuhomilliiwa, eneeromwinllella wunchichi wonanko enamwinllelliiwa mwaana akhalla mmoddave.

1 Yohane 5:8

Munepa, maaddi ni nikhame. Nave ddiraru ddittheddene ddinnavelleella omboni omoddamodda.

Zekariya 13:1

Apwiya Amasiva Mattheene enallota wi, “Nllapo nenno nibanja na Davide vamodda ni athu a mu Yerusalemu eneerotuullelliwa neetuutu wi yeellihiwe o machimwiiwa ni ddoonanara ddiwa.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

1 Petro 3:21

Maaddaayo yaari echizindikiro ya obatizo oyo onuuvullusani vano. Obatizo khe ovenyiha nihiryo na vamwiillini koma echipangano ni Mulluku ovenyera va yawuupusella murima yaphaama ekaamba yawi Yesu Khrisitu aavenyihiwa wa okhwa.

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

Aheberi 9:13

Moollikana ni malamulo a Mose, athu oochimwa kheyaakhullelliwa omullapella Mulluku. Yeeriwa aweella yamiddiwa nikhame na epuri ni na eng'ombe owaaka ntuura na mwaana a eng'ombe yooheraatthiwa mukutho.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Mateyu 27:62

Osaka wene, nno naari nllapo na Sabata, Nllapo Nookhozekella, allupa mukutho uullupalli ni Afarisi* yaatthukumana wa Pilato.

Masalimo 51:7

Keelliheni ni hisope* o machimwaaka nave kineereweella, kihapiheni nave kineereweellesesa okhwaranya nthoche.

Mitteko 22:16

Nave vano, onaselliwella tini? Venya nave obatiziwe ni ohapihiwa wi machimwaawo evenyihiwe voovekellani wa Apwiya.’ ”

Yohane 19:33

Koma yaphiyalliiwa wa Yesu, yamphwanyille akhwille khalle, sika khayaawinttakille meto ddaye.

Yohane 20:20

Allotilleeye ddenndda aawooniha mattaaye ni epararu ddaye. Sika oohudderaalle yaahakallalla voowoonani Apwiya.