Yohane 19:31 - Mawu a Mulluku

³¹ Vano attekweene a Ayuda* yaamuveka Pilato wi alamule wi yinttaka meto dda athwaalle yatthomeyiwe nave wi evenyihevo mitembo vamutandani. Yaaveka yeella kaambiiwa naari Nllapo nookhozekella Sabata nave khayaapanlle wi mitembonndde ddikhalle vamutandani va nllapo na Sabata kaambiiwa nllapo na Sabatanno naari naweella.

Yohane 19:31 ပူးပေါင်းရင်းမြစ်များ

Yohane 19:14

Vano naari Nllapo Nookhozekella Paska waatamella enthawi ya 12 koloko otthaana nave Pilato ahaalleella Ayudaalle wi, “Ngamooneni mwenaanyu tti olla.”

Yohane 19:42

Vano yaamuvitthamo Yesu kaambiiwa naari nllapo nookhozekella nllapo na Sabata navettho nihamenno naari vakhuviru.

Mariko 15:42

Waari nndduwa nivollowille va Nllapo Nookhozekella (nna naari, nllapo na vatulli va nllapo na Sabata).

Yoswa 8:29

Mwene a m'muzindanimmo yaamutthomeya vamuteekhoni emuhiya vaavo ophiyera misikuwa. Nndduwa nivollowaka Yoswa aalamula wi yakitthihe mutembooyo nave yeerille ddiiddo yaawutathillella vatthi va mullako va muzindooyo. Vaddullu va mutembooyo yahuukellavo malluku. Mallukwaayo aakhallavove ophiyera ollello.

Yohane 19:1

Vano Pilato aalamula wi Yesu awashulliwe.

Mika 3:3

Munnakittakhunella athwaaka, owaatta, waapwesa makhuviiwa ni waaphaddella mwiipallini wonanko enama.

Miyambo 12:10

Muthu oolungama annapwatha okumi wa echiwetwaaye koma echifundo ya muthu oonanara tti ekuku.

Eksodo 12:16

Va nllapo nawaamba ni va nllapo naneetthanu ni piillinno mweeriheke mutthukumano woopatuleya. Muhiphareke mutteko va mallapo yaayo koma muneerekokhoza yoochave yawi arive muthu acheke.

Mateyu 27:62

Osaka wene, nno naari nllapo na Sabata, Nllapo Nookhozekella, allupa mukutho uullupalli ni Afarisi* yaatthukumana wa Pilato.