Yohane 19:30 - Mawu a Mulluku

³⁰ Yesu aamuwirya vinyoolle allota wi, “Ddoomalla!” Vano aawaramiha murwaaye akhwa.

Yohane 19:30 ပူးပေါင်းရင်းမြစ်များ

Yohane 17:4

Miyaano kohuutitimihani nyuwaano mu ellapo yavatthi vawi koomalliha mutteko oyo mwakivahilleenyu wi kiphare.

Afilipi 2:8

Ahiiyeviha nave ahiiwellella ophiyera okhwa, okhwa waye vamutandani.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Luka 23:46

Vano Yesu ahinlla mookhuwa wi, “Attiitthaaka, kinavelleella munepaaka m'mattani mwanyu!” Amallihalleeye aakhwa.

Yesaya 53:10

Komave Apwiya yaapaalla wi emunyenye ni omuhoosa. Olliye aavelleella okumaaye wi okhalle mukutho wookhululukella machimo. Sika aneerewoona edduullu ddaye, aneerokhalla ni okumi woorekama, opaalla wa Apwiya oneereweereya mwa olliye.

Aroma 10:4

Vawi Khrisitu ookwakhwaniha malamulo wi arive muthu anakhulupilila alungamihiwe vamiitthoni va Mulluku.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Mariko 15:37

Yesu aakhuwattho moollipiha nave aakhwa.

Yohane 10:18

Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Mateyu 20:28

wonanko mi, Mwaana a Muthu, ngaawiille wi kirumeyelliwe koma wi kaarumeyelle ni ovelleella okumaaka owoopolla athu anchichi.”

Mateyu 27:50

Yesu aakhuwattho moollipiha nave aakhwa.

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Aheberi 9:22

Moollikana ni malamulo a Mose erive ello yeellihiwa voomiddiwani nikhame. Kheyiivo machimo enaakhululukelliwe nikhame naahihelliwa.

Aroma 3:25

Mulluku aanivaha yooyo wi ni nikhame naye akhalle ookhululukella machimo a athu oweella mu echikhulupililwiiwa mwa olliyooyo. Mulluku aheera yeella wi oonihe wi olliye tti oolungama. Khalle aanalleva nave ahaahiyerera athu oochimwa koma mallapo yaalla khanalleva machimwiiwa wi oonihe wi olliye tti oolungama. Mu ettilla yeella Mulluku annooniha wi olliye yeekhaaye tti oolungama voomulungamihani arive muthu oyo anamukhulupilila Yesu.

Mateyu 3:15

Koma Yesu aamwaakhulla wi, “Waakhullelle vano vawi mwawi ddiidda nineerokwakhwaniha echilungamo ettheene.” Vano Yohane ahaakhullella.

1 Akorinto 5:7

Munaphwanella muvenyihevo machimo ayo tti wonanko yisiti akhalle wi mukhalle aweella wonanko buledi anaanweene oohikhalla ni yisiti. Muri aweella vawi Khrisitu, mwaanakhosa a Paska aaheraatthiwa mukutho.

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

Daniele 9:26

Voomallani va miyakha ddenndda oozoziwa aneerewiiphiwa nave khakhalla ni ello. Mulloko wakhoto wa enduna eyo onaawe oneerewoononga muzindooyo vamodda ni enyumba ya Mulluku. Sika omalla wiwa onaaphiye wonanko echigumula nave oneerowiiha woonongeya ni ekhoto nnddo Mulluku akeraatthihalleeye.

Luka 22:37

Kinimuulleellani wi, ddinaphwanella ddikwakhwanihiwe mwa miyaano ddallotiwe Mu mawu a Mulluku wi, ‘Yaamweesa wonanko mmodda a athu oohithwara malamulo.’ Vawi nnddo ddalembiwe dda miyaano ddinnakwakhwanella.”