Yohane 19:28 - Mawu a Mulluku

²⁸ Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Yohane 19:28 ပူးပေါင်းရင်းမြစ်များ

Masalimo 69:21

Yaakihellella nttipwi mu yoochaaka, yaakiwiryiha vinyo oonyuunya kaariimi ni nthona.

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Yohane 19:30

Yesu aamuwirya vinyoolle allota wi, “Ddoomalla!” Vano aawaramiha murwaaye akhwa.

Luka 22:37

Kinimuulleellani wi, ddinaphwanella ddikwakhwanihiwe mwa miyaano ddallotiwe Mu mawu a Mulluku wi, ‘Yaamweesa wonanko mmodda a athu oohithwara malamulo.’ Vawi nnddo ddalembiwe dda miyaano ddinnakwakhwanella.”

Yohane 19:24

Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.

Luka 18:31

Yesu ahaakusella oohuddera khumi ni eelli vakhwipi allota wi, “Ninaya o Yerusalemu nave ddittheddene ddalembiwe ni anamallotella dda mi, Mwaana a Muthu, ddineerokwakhwanihiwa wenko.

Yohane 18:4

Yesu aadduwella ddittheddene ddawa wi ddimweereyelle, sika ahiimella aakoha wi, “Munamwaasha aani?”

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Mitteko 13:29

Nave yamallihalliiwa weera ddittheddene nnddo mawu a Mulluku enallotiiwa dda olliye, yaamukitthihavo vamutandani nave emuvittha mu mahame.

Luka 9:31

Yahooneya mu ntitimiho na oddullu nave yaallota ni Yesu dda okhwa waye nko onaakwakhwanihelliwe o Yerusalemu.

Luka 12:50

Kinapaalleya ovollowa mu ddoohoosa wonanko mmo muthu anavolloweeye m'maaddini aabatiziwaka. Nave murimaaka onnahoosiwa ophiyera omanlle.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 17:4

Miyaano kohuutitimihani nyuwaano mu ellapo yavatthi vawi koomalliha mutteko oyo mwakivahilleenyu wi kiphare.

Yohane 19:36

Nndda ddaheereya wi mawu a Mulluku ekwakhwanihiwe awi, “Naari nikhuva naye nimodda khaniwa ninttakiwa.”