Yohane 19:24 - Mawu a Mulluku

²⁴ Vano akhotwaalle yaallota mmodda ni mukhwaaye wi, “Nihaahulle alla koma noombese wi noone wi anaakuse ttaani.” Ddaari ddiiddo wi mawu a Mulluku ekwakhwanihiwe awi, “Yaakawana ddoowara ddaka nave yahoombesera va mukanjwaaka.” Sika akhoto yaheera ella.

Yohane 19:24 ပူးပေါင်းရင်းမြစ်များ

Masalimo 22:18

Aakawana ddoowara ddaka, ahoombesa va mukanjwaaka.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Mitteko 13:27

Vawi athu enakhalla o Yerusalemu ni attekweeniiwa kheyaadduwenlle wi olliyooyo tti oovullusa naari kheyaawiiwesesille mawu a anamallotella ayo yeerengiwa va nirive nllapo na Sabata. Voomwiipani mullatu Yesu yaakwakhwaniha mawu yallotiwe ni anamallotella.

Yohane 10:35

Ninnadduwella wi mawu a Mulluku enallota ddawoona enthawi ettheene. Nave Mulluku ahaaromolla athu ayo aavahilleeye mawaaye, milluku.

Yesaya 10:7

Koma mwene a o Asiriya khanadduwella ddenndda nave murimaaye khonaganiza mwawi ddiidda. Vawi murimaaye ori va woononga ni otthollosa mitundu ddinchichi dda athu.

Eksodo 28:32

Variyari viwa va mukanjooyo ohiye mulliha wookwakhwana ovollochihavo muru. Mulliha yoolla osowiwe moollipiha moowaapheella mutthemwene wonanko nikohi na malaya wi mukanjoolla ohaahuwe.

Mateyu 27:35

Yaamutthomeya vamutandani ni okawana ddoowara ddaye weekhiiwa yoombesille.

Mariko 15:24

Vano yaamutthomeya vamutandani ni okawana ddoowara ddaye weekhiiwa yoombesille wi yoone ttaani anaakuse eevi.

Luka 23:34

Yesu aallota wi, “Attiitthaaka, mwaakhululukelle vawi khenadduwella eyo eneeriiwa.” Vano akhoto yaakawana ddoowara ddaye mwawoombesa.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

2 Mamwene 15:12

Nndda sika Apwiya yamulonjezilliiwa Yehu wi, “Edduullu ddawo ddineerewaalamulella Aisraele ophiyera mbado waneesese.” Nave ddaheereya mwawi ddiiddo.