Yohane 19:18 - Mawu a Mulluku

¹⁸ Yaamutthomeya vamutandani vaavo vamodda ni athu amodda eelli, mmodda o nnattanatta nave mmodda wuunyotthoni nave Yesu variyari.

Yohane 19:18 ပူးပေါင်းရင်းမြစ်များ

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Agalatiya 3:13

Nave vookhallani ootembeleliwa munipuroni mwahu, Khrisitu oonoopolla hiyaano o otembeleliwa wa malamulo. Vawi mawu a Mulluku enallota wi, “Arive muthu anatthomeyiwa vamuteekhoni tti ootembeleliwa ni Mulluku.”

Yohane 18:32

Ella yaheereya wi mawu a Yesu oollota dda mmo anaakhwelleeye ekwakhwanelle.

Mateyu 27:44

Navettho ezigawenga nnddo ddatthomeyiwena vamutandani vamodda ddaamullotella epewe emoddamoddave yeeyo.

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Yohane 19:32

Sika akhotwaalle yaawa yinttaka meto dda athu eelli alle yatthomeyiwe vamutandani ni Yesu.

Mitteko 2:23

Yesu yoolla aavelleelliwa moollikana ni opaalla wa Mulluku vawi aadduwella khalle wi mwaamutthomeya vamutandani nave mumwiipha voomuvelleellani wa athu oonanara.