Yohane 19:15 - Mawu a Mulluku

¹⁵ Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

Yohane 19:15 ပူးပေါင်းရင်းမြစ်များ

Luka 23:18

Nave athu attheene yaakhuwave wi, “Iiphiwe! Attaphulliwe Baraba!”

Mitteko 22:22

Athwaalle yamwiiwelliiwa Paulo, yaamwiiwella ophiyera allotilleeye yeella. Vano yahaamba okhuwa ni mawu oowella wi, “Muthu yoolla khanapaalleya wi akhalle mukumi va ellapo yavatthi! Iiphiwe!”

Mitteko 21:36

Vawi attheenaayo yaanaathwara ekhuwaka wi, “M'mwiiphe yooyo!”

Yohane 19:6

Nave allupa mukutho uullupalli ni akhoto yamoonilliiwa yaakhuwa wi, “Mutthomeyeni vamutandani! Mutthomeyeni vamutandani!” Pilato ahaalleella wi, “Nyu mumukuse mwamutthomeye vamutandani olliyooyo. Vawi miyaano nginaphwanya mullatu mwa olliyooyo.”

Genesis 49:10

Yuda eneerophareella ekopo yoomwene enthawi ddittheddene. Aneerowummellella omwenooyo, nave aneerosunga masiviiwa, ophiyera mwaneenaneena aphiyalle, oyo anaalamulelle athu attheene.

Yohane 18:31

Pilato ahaalleella wi, “M'mukuse nyuwaano mwamweeruze moollikana ni malamulwaanyu.” Yahaakhulla wi, “Khaninna olamulello woomwiipha muthu.”

Mateyu 22:17

Sika munilleelle hiyaano maganizwaanyu tti awi tini? Tti ddawaakhullelliwa ni malamulwaahu okhoma musonkho wa Kaisara,* o Roma apaalle khe ddiiddo?”

Mitteko 13:28

Nave naari yahiphwanyille mullatu woomwiiphella olliye, yaamuveka Pilato wi Yesu iiphiwe.