Yohane 18:4 - Mawu a Mulluku

⁴ Yesu aadduwella ddittheddene ddawa wi ddimweereyelle, sika ahiimella aakoha wi, “Munamwaasha aani?”

Yohane 18:4 ပူးပေါင်းရင်းမြစ်များ

Yohane 13:1

Vano Ehakallallo ya Paska ehinaphiye, Yesu aadduwella wi enthawaaye yoovenyera mu ellapo yavatthi ni oya wa Attiitthinnya yaaphiya. Ahaakonda oomuthwarellellaaye mu ellapo yavatthi nave aanaakonda ophiyera okhwa waye.

Yohane 18:7

Yesu ahaakohattho wi, “Munamwaasha aani?” Yahaakhulla wi, “Yesu a o Nazareti.”

Mitteko 2:28

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano.’ ”

Masalimo 27:3

Naari mulloko wakhoto okaapheelle, murimaaka khotthukumella naari vang'ono. Naari ekhoto enyanyuwe ollipana ni miyaano, ngihiya wuuroromellani.

Yohane 19:28

Yesu aadduwella wi vano ddittheddene ddaamalla. Nave wi mawu a Mulluku ekwakhwanihiwe, aallota wi, “Kinnavolliwa nthona.”

Yohane 13:11

Vawi Yesu aadduwella khalle oomuvelleella sika kaambiiwa aallotilleeye wi, kheyaari ooweella attheene.

Yohane 6:64

Koma amodda a nyuwaano khamunakhulupilila.” Vawi Yesu ahaadduwella khalle vawaambeella vene ayo ehinamukhulupilila ni oyo anaamuvelleelle wi iiphiwe,

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Mateyu 26:31

Vano Yesu aallota wi, “Nyu attheene muneerothawa okihiya meekhaaka mahiiyu yaalla vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Mateyu 26:21

Vano echaka Yesu aallota wi, “Ddawoona, kinimuulleellani wi mmodda a nyuwaano aneerokivelleella wa adanaaka.”

Mateyu 26:2

“Munnadduwella wi vavira mallapo meelli, vineerokhalla Paska. Vano mi, Mwaana a Muthu, kineerovelleelliwa wi katthomeyiwe vamutandani.”

Mateyu 16:21

Waambeella enthawi yeeyo oya muhoollo Yesu ahaamba waalleella oohudderaaye wi tti woophwanella wi olliyooyo aye o Yerusalemu wi ahoosiwe wunchichi ni attekweene a Ayuda,* allupa mukutho uullupalli ni ahuddihi a malamulo* nave aneerewiiphiwa koma vavira mallapo mararu aneerovenyihiwa wa ookhwa.

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

Masalimo 3:6

Nginawoova adanaaka naari eri anchichi, ayo ekaaphenlle ni owana ni miyaano.

Nehemiya 6:11

Koma kahaakhulla wi, “Ethiyo muthu wonanko miyaano ttuuthawa? Nave muthu wonanko miyaano ttuuwiipittha mu enyumba ya Mulluku wi kiivulluse? Ngivollowamo miyaano.”

1 Mamwene 18:10

Kinimallupella vamiitthoni va Apwiya Mullukwaanyu ookumi wi khawiiwo mutundu apaalle omwene nko apwiyaaka Ahabu yahaarumalliiwawo athu oowaashaashani. Athu yaalleella wi, ‘Eliya khaawo wuno,’ Ahabu aanaallupelliha wi esimikizelle wi nyuwaano khamwaariwo wenko.

1 Petro 4:1

Vawi Khrisitu mwiillaaye waahoosiwa, nyuwaanottho mwiillipiheke weekhiinyu ni maganizo amoddamoddave yaayo aariiyena kaambiiwa oyo mwiillaaye wahoosiwe oohiya ochimwa.

Yohane 18:5

Yahaakhulla wi, “Yesu a o Nazareti.” Ahaakhulla wi, “Tti meene.” Yudasi, olle anaamuvelleelle wi iiphiwe, ahiimellattho vaavo ni yaayo.