Yohane 18:37 - Mawu a Mulluku

³⁷ Sika Pilato amukoha wi, “Vano weyaano tti mwene?” Yesu ahaakhulla wi, “Nyu sika munallota wi miyaano tti mwene. Kaayariwa nave kaawa mu ellapo yavatthi wi kivelleelle omboni dda yawoona. Muthu oyo anakhalla mu yawoona anniiwa mawaaka.”

Yohane 18:37 ပူးပေါင်းရင်းမြစ်များ

Yohane 8:47

Oyo anavenyera wa Mulluku anniiwa mawu a Mulluku. Koma nyuwaano khe oovenyera wa Mulluku sika ekaambiiwa muhiniiweenyu.

1 Yohane 4:6

Nave hiyaano tti a Mulluku. Oyo anamudduwella Mulluku annaniiwellella, oyo ahiri a Mulluku khananiiwellella. Vano mmu sika ninaadduwellelleehu ohiyana wa Munepa wa yawoona ni munepa wa yawoottha.

Yohane 8:14

Yesu ahaakhulla wi, “Naari kiivelleellellaka omboni meekhaaka, ombonaaka tti woororomelleya kaambiiwa kinnadduwella nko kinavenyereemi ni nko kinayeemi.

1 Yohane 3:19

Vano naawaakondaka amodda ninnadduwella wi ninakhalla mu yawoona. Navettho mmu sika ninakhalleehu oollipa murima vamiitthoni va Mulluku.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

1 Timoteo 6:13

Navesttho vamiitthoni va Mulluku oyo anavaha okumi ddeko ddittheddene ni Khrisitu Yesu oyo aakhullenlle echikhulupililwaaye vamiitthoni va Pontio Pilato.

Luka 23:3

Sika Pilato aamukoha wi, “We tti Mwene a Ayuda?” Yesu aallota wi, “Mullotillethi nyookha.”

Mariko 15:2

Pilato aamukoha Yesu wi, “We tti Mwene a Ayuda?” Yesu ahaakhulla wi, “Mullotillethi nyookha.”

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yohane 3:32

Annavelleella omboni dda eyo oonilleeye nave iiwalleeye koma khaavo muthu aakhullelle ombonaaye.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Mateyu 27:11

Vano Yesu ahiimella vamiitthoni va Pilato, oolamulella a o Romoolle nave oolamulellooyo aamukoha wi, “We tti Mwene a Ayuda?” Yesu ahaakhulla wi, “Mullotillethi nyookha.”

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

1 Yohane 3:14

Ninnadduwella wi noohiyana ni okhwa nave noophiya mu okumi kaambiiwa ninnaakonda asinnihu ni arokorihu. Ayo ehinakondana aakhallave vatthi va masiva a okhwa.

Luka 22:70

Attheenaalle yaallota wi, “Vano weyaano tti Mwaana a Mulluku?” Yesu aawaakhulla wi, “Mullotillethi nyookha wi tti miyaano.”

Mariko 14:62

Yesu ahaakhulla wi, “Tti meene nave muneerokoona mi, Mwaana a Muthu, kikeraatthille onnattanatta na Mulluku Amasiva Mattheene kiwaaka vamiraponi ddooddullu!”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Yohane 8:45

Koma miyaano kaambiiwa kinallota ddawoona, khamunakikhulupilila.

Yohane 8:46

Ttaani a nyuwaano anakeera miyaano wi tti oochimwa? Kaallotaka ddawoona, khamunakikhulupilila miyaano kaambiiwa tini?”

1 Yohane 2:21

Kinuulembellani ohiri kaambiiwa khamunadduwella yawoona koma kaambiiwa mwaadduwella khalleve navettho munnadduwella wi yawoona khenavenyera mu ddawoottha.