Yohane 18:13 - Mawu a Mulluku

¹³ Vawaamba yaamukusella wa Anasi. Kayafa aari mukamwene a Anasi navettho mullupa mukutho muullupalli muyakha yooyo.

Yohane 18:13 ပူးပေါင်းရင်းမြစ်များ

Yohane 18:24

Vano Anasi aamurumiha olliyooyo oomakiweene wa Kayafa mullupa mukuthoolle.

Yohane 11:51

Khaallotille ella mwa olliye yeekhaaye koma vookhallani oohoollella a allupa mukutho uullupalli muyakha yooyo, allotella wi Yesu aneerokhwa munipuroni na mutundooyo,

Luka 3:2

Nave Anasi ni Kayafa yaari allupa mukutho uullupalli. Mallapo yaayo Mulluku aallota ni Yohane, mwaana aamullopwana a Zakariya, aariiye ochipululuni.

Mateyu 26:57

Vano ayo yammakille Yeswaayo yaamukusella wa Kayafa, mullupa mukutho muullupalli, nko yatthukumanne ahuddihi a malamulo* ni attekweene a Ayuda.

Mateyu 26:3

Vano allupa mukutho uullupalli ni attekweene yaatthukumana mu enyumba yoomwene ya Kayafa, mullupa mukutho muullupalli.

Mitteko 4:6

Yaakumana ni Anasi, mullupa mukutho muullupalli ni Kayafa, Yohane ni Alekizandro navettho athu attheene amodda a munibanjani na mullupa mukutho muullupallooyo.

Yohane 11:49

Nave mmodda a yaayo, nnddina naye Kayafa, oyo aari owaahoollella allupa mukutho uullupalli muyakha yooyo, aallota wi, “Khamunadduwella munalloteenyu.

Yohane 18:28

Vano osaka wene ohinase Ayuda yaamukusa Yesu ovenyera wa Kayafa emuyaana o nthato namillatu na Aroma. Ayuda kheyaavollowillemo munthatonimmo wi ehiripihiwe kaambiiwa yapaalla wi yachena yoocha ya Paska

Yohane 19:11

Yesu ahaakhulla wi, “Khamwaakhallena olamulello va miyaano mwahivahiweke ni Mulluku. Sika muthu oyo akivelleelle wa nyuwaano ookhalla ni machimo muullupalli ohiyana ni nyuwaano.”