Yohane 18:12 - Mawu a Mulluku

¹² Vano mulloko wa akhoto a o Roma ni oolamulelliiwa ni oowehera a Ayuda yaamphara Yesu emmaka.

Yohane 18:12 ပူးပေါင်းရင်းမြစ်များ

Yohane 18:3

Vano Yudasi aakusa mulloko wa akhoto a o Roma ni oowehera enyumba ya Mulluku oorumihiwa ni allupa mukutho uullupalli ni Afarisi,* ayaana omatanko. Yaatukhulla enyali ni mitthiko ni ezida dda ekhoto.

Mateyu 26:57

Vano ayo yammakille Yeswaayo yaamukusella wa Kayafa, mullupa mukutho muullupalli, nko yatthukumanne ahuddihi a malamulo* ni attekweene a Ayuda.

Mitteko 21:37

Akhotwaayo yaariiwa vakhuviru wi emukuselle Paulo onipuroni wiwa wulle, Paulo aallota wa oolamulelloolle wi, “Ethiyo ttuullota ni nyuwaano?” Oolamulella olle aamukoha wi, “Onnadduwella ollota Egriki weyaano?

Mitteko 21:31

Mulloko wa athu wapaalliiwa omwiipha Paulo, oolamulella mulloko wa akhoto a o Roma aalleelliwa wi o Yerusalemu otthewene ddeko ddoovirikanawo.

Luka 22:54

Yesu aamakiwa akuselliwa o enyumba ya mullupa mukutho muullupalli nave Petro ahaathwara voorekama.

Mariko 15:1

Osaka wene ohinase allupa mukutho uullupalli, attekweene a Ayuda,* ahuddihi a malamulo* ni attekweene a millatu attheene yaakumana wi yiiwanane yaweera. Yaammaka Yesu ni onyolo, emukusa, emuvelleella wa Pilato, oolamulella a o Roma.

Mariko 14:53

Nave Yesu yaamukusella wa mullupa mukutho muullupalli, nko yaatthukumanne allupa mukutho attheene, attekweene a Ayuda ni ahuddihi a malamulo.

Mateyu 27:2

Yaammaka emukusa, emuvelleella wa Pilato, oolamulella a o Roma.

Oweeruza 16:21

Afilistaalle yaamuphara emutthorokolla miitthwaaye nave eyaana o Gaza emmakille ni onyolo wamikoko. Wenko muttekwaaye waari woosilla vansilloni mundende.

Genesis 22:9

Ephiyalle onipuroni wulle Mulluku amulleelleeye, Abrahamu aamaka nikuwa nave aatthatta ekhuni vaddullu va nikuwanno. Enre ddiiddo ammaka mwanayoolle, amukonaatthiha vaddullu va ekhuninnddo.

Mitteko 23:10

Nave owananko wahunnuwa wawi oolamulelloolle ahoova wi Paulo aneerewiiphiwa moowaakanelliwa. Sika ahalamulella akhotwaaye wi eye yamuvenyihevo vamullokonimvo wi eweena onipuroni wiwa.

Masalimo 118:27

Apwiya sika Mulluku, oonivaha owala. Ambani olendo wa ehakallallo, mukusalle enthambi m'mattani mwanyu ophiyera muphiyalle o nikuwa na mukutho.

Genesis 40:3

Sika ahaawallella mundendeni o enyumba ya muullupalli owaawehera akhoto wulle wawallelliwe Yosefe.

Mateyu 27:27

Vano akhoto a Pilato yaamukusa Yesu eyaana o nthato namillatu na Aroma, emutthukumanihella akhoto attheene.

Mitteko 10:1

Waakhalla muthu mmodda a o Kaisareya nnddina naye Korineliyo, oyo aari akhoto muullupalli a o Roma a mulloko wa akhoto 100, wooromolliwa wi, “Mulloko wa Italiya.”