Yohane 18:11 - Mawu a Mulluku

¹¹ Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

Yohane 18:11 ပူးပေါင်းရင်းမြစ်များ

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 20:22

Koma Yesu aawaakhulla anamwanaayo wi, “Khamunadduwella eyo munavekeenyu. Muneerowora omuwiryella kapu a ddookatamiha oyo kinaamuwiryelleemi?” Yaayo yahaakhulla wi, “Nineeromuwiryella.”

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Yohane 15:10

Mwathwara malamulwaaka, muneerokhalla mu echikondaaka wonanko mmo kithwarelleemi malamulo a Attiitthaaka ni okhalla mu echikondaaye.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

2 Akorinto 10:4

Ezida ninaphariheehu mutteko voowanani khe dda athu a va ellapo yavatthi koma tti masiva a Mulluku ayo ninaaphariheehu mutteko vawoonongani mipanda ddoollipa. Ninnaagonjiha maganizo oolleka

Luka 22:42

Aallota wi, “Attiitthaaka, mwaapaallaka mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

2 Akorinto 6:7

voollalleyani othenga wawoona ni vookhallani ni masiva a Mulluku. Echilungamo sika ezida ddahu ddoowanella ni ddawiitetezella.

Yohane 18:36

Yesu aallota wi, “Omwenaaka khori wa ellapo yavattheella. Omwenaaka wakhanlleke wa ellapo yavattheella akhotwaaka yaawerowanana ekhoto wi kihivelleelliwe wa Ayuda koma omwenaaka khori wa ellapo yavatthimva.”

Yohane 17:24

“Attiitthaaka, kinapaalla wi ayo mwakivahilleenyu miyaano, yakhalle ni miyaano nko kinaakhalleemiwo, sika vano eneerewoona ntitimiho naka nno mwaakivahilleenyu kaambiiwa mwaakikonda ellapo yavatthi ehinaphatusiwe.

Luka 12:30

Athu oohimullapella Mulluku, Attiitthaanyu, ennakhupanya dda ddeko ddenndda. Attiitthaanyu ennadduwella wi munnapaalla ddeko ddittheddenenndda.

Ezekiele 23:31

Waattakiha ddaweera dda muullupallaawo nave kineerewuuvaha kapu a ollaka oophwanaphwana ni aaye.’

Masalimo 75:8

Ollaka wa Apwiya tti wonanko m'mattani mwiwa ooddalla ni vinyo ookhuma niphoru ni oowaawa. Ammimina vinyooyo oonanara attheene a va ellapo yavatthi eneeromuwirya, ophiyera yoombonlle ddoohalla mukapunimmo.

2 Samuele 16:10

Koma mwenooyo aamwaakhulla wi, “Vaava yaanyu erivo tti tini, nyu anamwani a Zeruya? Olliyoolla aarimi akiruwanaka ekaamba yawi Apwiya sika emurumalle wi, ‘Muruwane Davidoolla,’ Ttaani anaamukohe wi, ‘Kaambiiwa tini oneereewe ddenndda?’ ”