Yohane 17:26 - Mawu a Mulluku

²⁶ Nave kahaadduwelliha nyuwaano nave kineerovirellella weera ddiiddo. Vano echikondi muriinyuna mwa miyaano ekhalle mwa alliwa nave miyaanottho kikhalle mwa alliwaayo.”

Yohane 17:26 ပူးပေါင်းရင်းမြစ်များ

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 15:9

Kinnuukondani wonanko mmo Attiitthaaka enuukondelliiwani. Sika mukhalleke mu echikondaaka.

Aheberi 2:12

Olliye aallota wa Mulluku wi, “Kineerewaalleella alliwaayo dda nyuwaano, kineerewuutitimihani va mutthukumanwiiwa.”

Yohane 15:15

Nginaweeranittho allupa mutteko kaambiiwa mullupa mutteko khanadduwella eyo apwinnya eneeriiwa. Koma kinaweerani akhwaaka kaambiiwa kohuulleellani ddittheddene kiiwalleemi ovenyera wa Attiitthaaka.

Yohane 14:20

Nllapo nenno muneerodduwella wi miyaano kiri mwa Attiitthaaka nave nyuwaano muri mwa miyaano nave miyaano kiri mwa nyuwaano.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

Yohane 15:4

Khallani mwa miyaano nave miyaano kikhalle mwa nyuwaano. Enthambi khenimma ezipaso mwa weekhiiwa yaahikhalla vamuteekhoni wa mpesa. Emoddamoddave yeeyo, nyuwaano khamuwora wimma ezipaso mwaahikhalla mwa miyaano.

Aefeso 5:32

Mawu a Mulluku yaalla enuupullulla yoovittheya yuullupalli nave enallota dda Khrisitu ni mpingo.

Aefeso 5:30

vawi hiyaano tti eziwalo dda mwiillaaye.

Yohane 14:23

Yesu aamwaakhulla wi, “Muthu akikonda miyaano aneerothwara mawaaka. Attiitthaaka eneeromukonda nave miyaano ni Attiitthaakaayo nineeroowa wa olliyooyo ni okhalla ni olliye.

Yohane 8:50

Miyaano nginaashaasha ntitimiho nameekhaaka koma vookhalla mmodda ananaashaasha nave yooyo sika anaaweeruze.

1 Yohane 3:24

Ayo eniiwellella malamulo a Mulluku ennakhalla mu eyaattano ni Mulluku nave Mulluku annakhalla mu eyaattano ni alliwaayo. Nave ekaamba ya Munepa oyo Mulluku anivahilleeye, ninnadduwella wi Mulluku annakhalla mu eyaattano ni hiyaano.

2 Atesalonika 2:16

Ninaaveka Apwiihu Yesu Khrisitu weekhiiwa ni Mulluku Attiitthiihu oyo oonihalle echikondaaye wa hiyaano wi anivahe ollipa murima woohimalla ni etiyerello yaphaama oweella mwa echisomwaaye.

Akolose 3:11

Ekaamba ya yeella, khuwaavo ohiyana variyari va Ayuda ni athu ayo ehiri Ayuda, oophaddiwa ni oohiphaddiwa, athu a ellapo ddimodda, athu oohihuddera, akaporo ni athu eyo ehiri akaporo nave Khrisitu sika ari oopaalleya, Khrisitu ari mwa attheene.

Akolose 2:10

nave moovahiwa okumi muttheene mu eyaattano ni olliyooyo. Olliye tti muullupalli a oolamulella attheene ni masiva mattheene ooddullu.

Akolose 1:27

Yoolinga ya Mulluku tti yawi athwaaye edduwelle yookhuweyaaye yawaata ni yootitimiheya variyari va athu oohimullapella Mulluku. Nave yookhuweyeeyo tti yawi Khrisitu ari mwa nyuwaano nave wi olliye tti yootiyerellaanyu wi mwaakhelle ntitimiho na Mulluku.

Aefeso 3:17

Nave kinaveka wi Khrisitu akhalle m'murimani mwanyu oyeella mu echikhulupililo. Kinavekella wi mutthipelle misisi ni ollipa mu echikondi,

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Agalatiya 2:20

sika khe miyaanottho kinakhalla mukumi koma tti Khrisitu anakhalla mwa miyaano. Okumi yoolla kiriimina, kinakhalla mu echikhulupililo mwa Mwaana a Mulluku, oyo aakikondille miyaano nave avelleella okumaaye ekaamba ya miyaano.

1 Akorinto 12:12

Khrisitu ari wonanko mwiilli mmodda, wookhalla ni eziwalo ddinchichi ddoohiyanahiyana. Naari woopiwe ni eziwalo ddinchichi onakhalla mwiilli mmodda.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

Aroma 8:10

Koma Khrisitu akhalla mwa nyuwaano, Munepooyo tti okumaanyu kaambiiwa moolungamihiwa ni Mulluku naari miilli ddanyu ddineerokhwa ekaamba ya machimo.

Yohane 6:56

Ayo enacha mwiillaaka ni owirya nikhame naka enakhalla mwa miyaano nave miyaano kinakhalla mwa alliwa

Yohane 17:8

Vawi kahaavaha mawu yaayo mwakivahilleenyu nave yaawaakhella. Nave ennadduwella wi tti ddawoona wi kaavenyennre wa nyuwaano nave ennakhulupilila wi mwaakiruma miyaano.